O‘zbekiston va Qozog‘iston harbiylari Afg‘oniston chegarasi yaqinida mashg‘ulotlar o‘tkazadi

Joriy yilning 17-24 noyabr kunlari «Termiz» poligonida o‘zbek-qozoq harbiy mashg‘ulotlari bo‘lib o‘tadi. Bu haqda Qozog‘iston Mudofaa vazirligi matbuot xizmati xabar berdi.

Mashg‘ulotlarda Qozog‘iston tomonidan 100 dan ortiq harbiy xizmatchi ishtirok etadi, ko‘p funksiyali Su-30SM qiruvchi samolyotlari, S-295 harbiy-transport samolyotlari, taktik uchuvchisiz uchish apparatlari jalb etiladi.

«Birgalikdagi mashg‘ulotlardan ko‘zlangan maqsad - qo‘shma vazifalarni hal etishda ikki qardosh davlat qurolli kuchlarining muvofiqligi va o‘zaro hamkorligi darajasini oshirishdan iborat», — deyiladi Qozog‘iston Mudofaa vazirligi ma'lumotida. 

Mashg‘ulotlarda bo‘linmalar qidiruv-razvedka operatsiyasi, dushman otryadlarini yo‘q qilish paytida jangovar gvardiya bo‘linmalari harakatlarini ishlab chiqish, noqonuniy qurolli tuzilmalar tajovuzi va uni bartaraf etishni aks ettirish, yaradorlar hamda yaroqsiz texnikalarni jang maydonidan olib chiqishni amalga oshiradi.

Avvalroq, O‘zbekiston va Qozog‘iston tomonidan «Qalqon-2021» maxsus kuchlarning qo‘shma harbiy mashg‘ulotlari o‘tkazilgandi.