Avvalroq ESPN telekanali manbalarga tayanib, liga o‘z o‘yinchilari uyushmasi bilan hokkeychilarning Olimpiadada ishtirok etmasligiga kelishib olganini ma’lum qilgandi.
Ta’kidlanishicha, bunga koronavirus bilan bog‘liq vaziyat sabab bo‘lishi mumkin. Avvalroq MHL klublarida koronavirus avj olgani sababli 50 ta o‘yin qoldirilgandi, 21 dekabrda esa mavsum Rojdestvodagi tanaffusgacha to‘xtatib qo‘yildi.
“MHL Olimpiada vaqtida tanaffus olinmasligini e’lon qiladi. Liga o‘yinchilari Pekindagi 2022 yilgi qishki Olimpiadada ishtirok eta olmaydi”, deb aytilgan liganing Twitter’dagi xabarida.
Liga hokkeychilari 2016 yil Pxenchxanda o‘tgan Olimpiadada ham ishtirok etmagandi. Ularning 2022 va 2026 yillardagi Olimpiadalarda ishtirok etishlari mehnat shartnomalarida ko‘zda tutilgandi.
