Britaniyada yangi COVID-rekord: bir sutkada 189 mingdan ortiq holat qayd etildi

Chorshanba kuni 183 ming 37ta holat qayd etilgandi.

Foto: AP

Buyuk Britaniyada sutkalik koronavirus yuqtirish holatlari bo‘yicha rekord qayd etildi: oxirgi 24 soat ichida 189 ming 213 kishida kasallik aniqlandi. Bu haqda The Guardian xabar bermoqda.

Oxirgi sutkada shifoxonaga yotqizish va o‘lim holatlari soni ham o‘sganligi aytilmoqda.

Chorshanba kuni 183 ming 37ta holat qayd etilgandi.

Ekspertlarning ogohlantirishicha, kunlik ko‘rsatkichlar kasallikni qayta yuqtirish holatlarini o‘z ichiga olmagan. Bundan tashqari, infeksiya yuqtirganlarning hammasida ham simptomlar mavjud emas va ular test topshirmayapti. Bu esa haqiqiy kasallanganlar soni yanada ko‘proqligini bildiradi.

22 dekabrda Britaniyada ilk bor kunlik kasallanish holati 100 mingdan oshgandi.