15:00 / 28.02.2022
17835

Lavrov sanksiyalar bois BMT yig‘ilishiga bora olmasligi ma’lum qilindi

YeI Rossiyaga qarshi aviatsion sanksiyalar kiritgani sababli Lavrovdan qator hujjatlarni rasmiylashtirish talab qilingan. Rossiya tomoni bu talabni bajarishdan bosh tortgan.

Foto: RIA Novosti

Rossiya tashqi ishlar vaziri Sergey Lavrov Shveytsariyaning Jyeneva shahrida bo‘lib o‘tadigan BMTning inson huquqlari bo‘yicha kengashi yig‘ilishiga bora olmaydi. Bu haqda Rossiya TIV vakili Mariya Zaxarova ma’lum qildi.

YeI Rossiyaga qarshi aviatsion sanksiyalar kiritgani sababli Rossiya vaziridan qator hujjatlar rasmiylashtirish talab qilingan. Rossiya tomoni bu talabni bajarishdan bosh tortgan.

"Bunday inqirozli vaqtda a’zo mamlakatlarning faoliyatini ta’minlash Birlashgan Millatlar Tashkiloti va tadbir o‘tkazayotgan mamlakatning majburiyati hisoblanadi", - dedi Zaxarova.

Avvalroq Rossiya samolyotlariga Yevropa Ittifoqi havo kengliklari yopilgandi.

Bundan tashqari, Rossiya prezidenti Vladimir Putin hamda tashqi ishlar vaziri Sergey Lavrovga qarshi personal sanksiyalar e’lon qilingan.

Mavzu
Rossiya-Ukraina urushi
2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.
Barchasi
Top