Global bozorda 7 foiz ulushga ega «DP World» kompaniyasi rahbari O‘zbekistonga keladi

Uchrashuvda “DP World” kompaniyasi “Cargoes Customs” elektron axborot tizimining ilg‘or jihatlarini O‘zbekiston bojxonasiga joriy qilish bo‘yicha kelishib olindi. 

Kompaniya rahbari Sulton Ahmad Bin Sulaym o‘zaro hamkorlikka hamisha tayyorligini bildirdi va xodimlariga O‘zbekiston tomonidan ilgari surilayotgan takliflarni ortiqcha paysalga solmasdan, zudlik bilan amalga oshirish yuzasidan topshiriqlar berdi. 

- Hamkorligimiz albatta natija beradi va men buni o‘z ko‘zim bilan ko‘rish uchun joriy yilning kuzida O‘zbekistonga bormoqchiman, – dedi kompaniya prezidenti Sulton Ahmad Bin Sulaym.

“DP World” dunyodagi uchinchi eng yirik port hisoblanib, global bozordagi ulushi 7 foizni tashkil qiladi. Kompaniya 78 ta dengiz terminali va dunyodagi eng yirik sanoat parki Jabal Ali erkin zonasini boshqaradi. 

Kompaniya Dubay hukumatiga qarashli dunyodagi eng yirik investor va developer Dubaı World kompaniyasi tomonidan boshqariladi. “DP World” kompaniyasi Dubay bojxonasi faoliyatini ham boshqaradi.

Dubayga kirib kelayotgan va chiqib ketayotgan 95 foiz yuklar inson aralashuvisiz avtomatik tarzda oldindan taqdim etilgan dastlabki deklaratsiya asosida bojxona rasmiylashtiruvidan o‘tkazilmoqda. 2021 yilning o‘zida 27 milliondan ortiq tranzaksiyalar amalga oshirilgan.