«Roma» va Shomurodov ilk bor o‘tkazilgan Konferensiyalar Ligasida g‘olib bo‘ldi

Foto: Yevropa Konferensiyalar Ligasi

Ilk bor tashkil etilgan Yevropa Konferensiyalar Ligasi finalida «Roma» va «Feyyenoord» klublari to‘qnash kelishdi.

Albaniya poytaxti Tiranada o‘tgan bahsda Nikolo Dzanoloning goli rimliklarga yevrokuboklardagi dastlabki sovrinni taqdim etdi. «Bo‘rilar» safida O‘zbekiston milliy jamoasi hujumchisi Eldor Shomurodov 89-daqiqada zaxiradan maydonga tushirildi.

«Roma» ustozi Joze Mourino o‘ziga xos rekordni qayd etdi — portugaliyalik mutaxassis Chempionlar Ligasi, Yevropa Ligasi va Konferensiyalar Ligasida g‘olib chiqqan birinchi murabbiyga aylandi.

YeKL. Final
Roma — Feyyenoord 1:0
25 may. Albaniya. «Eyr Albaniya»
Gol: Dzanolo (32).
Roma — Patrisiu, Manchini, Ibanes, Smolling, Kristante, Pellegrini, Mxitaryan (Oliveyra, 17), Zalevski (Spinatssola, 67), Karsdorp (Vinya, 89), Dzanolo (Veretu 67), Abraham (Shomurodov, 89).
Feyyenoord — Beylo, Malasia (Jahonbaxsh, 89), Senesi, Trauner (Pedersen, 74), Gertryuyda, Ko‘kchi (Volemark, 88), Eursnes, Til (Tornstra, 59), Sinisterra, Nelson (Linssen, 74), Dessers.
Ogohlantirishlar: Trauner (25), Pellegrini (37), Zalevski (67), Patrisiu (84), Spinatssola (90+4).