«Qorako‘l» erkin iqtisodiy zonasi tashkil etiladi

Vazirlar Mahkamasining «Qorako‘l» erkin iqtisodiy zonasi faoliyatini tashkil etish chora-tadbirlari to‘g‘risida»gi qarori qabul qilindi.

Hujjat bilan «Qorako‘l» EIZ direksiyasi» DUK tuzilmasi va ustavi tasdiqlandi.

Buxoro viloyati hokimligiga quyidagilar yuklatildi:

Qurilish vazirligi hamda Investitsiyalar va tashqi savdo vazirligi bilan birgalikda «Qorako‘l» EIZ bosh rejasini «Qorako‘l» EIZ direksiyasi» DUK o‘z mablag‘lari hisobiga ishlab chiqish va tasdiqlash;
«Qorako‘l EIZ direksiyasi» DUK uchun Qorako‘l tumani hokimligi ma’muriy binosidan tekin foydalanish huquqi asosida zarur inventarlar bilan jihozlangan xizmat xonalari ajratilishini va «Qorako‘l EIZ direksiyasi» DUK o‘z mablag‘lari hisobiga keyinchalik zamonaviy ma’muriy bino qurilishini ta’minlash;
«Qorako‘l EIZ direksiyasi» DUKni malakali mutaxassislar bilan to‘ldirish, ular malakasini oshirib borish.

Qaror bilan quyidagilar belgilandi:

«Qorako‘l EIZ direksiyasi» DUK direktori Buxoro viloyati hokimligi hamda Investitsiyalar va tashqi savdo vazirligi taklifiga ko‘ra Vazirlar Mahkamasi tomonidan lavozimga tayinlanadi va lavozimidan ozod etiladi;
EIZ hududida yer maydonlarini elektron onlayn-auksion savdolari orqali ijara huquqi asosida ajratishda to‘lovlarni o‘n ikki oy muddatda bo‘lib to‘lash orqali amalga oshiriladi.