Adliya vazirligi axborot va kiberxavfsizlik bo‘yicha 1-o‘rinni egalladi

«Kiberxavfsizlik markazi» DUK davlat va xo‘jalik boshqaruvi hamda mahalliy hokimiyat organlarida axborot va kiberxavfsizlik ta’minlangani holati yuzasidan reyting baholash o‘tkazdi.

Reyting natijalari kiberxavfsizlik markaziga davlat va xo‘jalik boshqaruvi hamda mahalliy hokimiyat organlari tomonidan axborot va kiberxavfsizlikni monitoring qilish tizimi doirasida taqdim etilayotgan ma’lumotlar asosida shakllantiriladi.

Kuni kecha 2022 yil II chorak yakuni bo‘yicha reyting natijalari e’lon qilindi.

Ushbu reytingga ko‘ra, Adliya vazirligi 97.3 ball bilan davlat va xo‘jalik boshqaruvi hamda mahalliy hokimiyat organlari orasida 1-o‘rinni egalladi.

Shuningdek, kuchli uchlikdan O‘zbekiston Markaziy banki va Davlat statistika qo‘mitasi o‘rin oldi.