Vladimir Norov Buyuk Britaniya elchisi bilan uchrashdi

O‘zbekiston tashqi ishlar vaziri v.b. Vladimir Norov Buyuk Britaniya va Shimoliy Irlandiya birlashgan qirolligining mamlakatdagi favqulodda va muxtor elchisi Tim Torlotni qabul qildi.

Foto: TIV axborot xizmati

Muloqot chog‘ida siyosiy, savdo-iqtisodiy, madaniy-gumanitar, ta’lim va boshqa sohalardagi hamkorlikni mustahkamlash va kengaytirish dolzarb masalalari muhokama qilindi.

Qishloq xo‘jaligi, yengil sanoat, innovatsiyalar, energetika, «yashil» iqtisodiyotni rivojlantirish kabi yo‘nalishlardagi aloqalarni kengaytirish bo‘yicha takliflar ko‘rib chiqildi.

Afg‘onistondagi vaziyat yuzasidan fikr almashildi. Buyuk Britaniya hukumati Afg‘oniston mavzusi bo‘yicha O‘zbekiston tomoni bilan ikki tomonlama maslahatlashuvlarni davom ettirishdan manfaatdorligi ma’lum qilindi.