Germaniya Ukrainaga eng yangi IRIS-T havo hujumidan mudofaa tizimini yetkazib beradi

«Ukrainska pravda» nashriga bergan intervyusida u ikkinchi tizim Ukrainaga joriy yilning oxirigacha, yana ikkitasi esa keyingi yilning boshida kelishini aytdi. 

Feldxuzenning so‘zlariga ko‘ra, Berlin va’da qilgan havo hujumidan mudofaa tizimlari hozirda ishlab chiqarilmoqda. Elchi yetkazib berishdagi kechikishlar siyosiy qarorlar bilan emas, balki IRIS-T ishlab chiqarishning o‘ziga xos xususiyatlari bilan bog‘liqligini ta’kidladi. 

So‘nggi bir necha kun ichida Ukraina mamlakat shimoli-sharqida hujum amaliyotlarini kuchaytirdi.

Britaniya razvedkasi ma’lumotlariga ko‘ra, Ukraina bo‘linmalari Oskol va Severskiy Donew daryolaridan sharqda kamida ikki yo‘nalishda asta-sekin olg‘a siljimoqda. Buyuk Britaniya Mudofaa vazirligining kundalik brifingida aytilishicha, Rossiya hozir avvalgidan ham kuchliroq mudofaa chizig‘ini qurmoqda, buning sababi Ukraina hujumi Rossiyaga qo‘shilish bo‘yicha «referendum» yakunlangan Luhansk viloyatining bir qismiga tahdid solishi mumkin. 

Bundan oldin Ukraina prezidenti Volodimir Zelenskiy Ukrainaga g‘alaba qozonish uchun faqat tanklar emas, ko‘proq narsa kerakligini aytgandi.

Uning so‘zlariga ko‘ra, zirhli texnika Ukraina harbiylari uchun omon qolish masalasiga aylangan va agar Germaniya ukrainaliklar hayotini saqlab qolishga yordam bermoqchi bo‘lsa, nemis siyosatchilari ko‘proq texnika yetkazib berish bilan shug‘ullanishi kerak. 

Ukraina prezidenti Germaniyada ishlab chiqarilgan Matador tankka qarshi granatomyotlarini, Kiyev Germaniya kansleri Olaf Shols «juda so‘rayotgan» zirhli mashinalarni, shuningdek, Germaniya tomonidan mamlakatga taklif qilingan IRIS-T havo mudofaasi tizimidan ko‘ra ko‘proq «zarar yetkazuvchi qurollarni» nazarda tutayotganini tushuntirdi.