O‘zbekistonda 12 sentabrda TAF!22 to‘rtinchi Toshkent reklama festivali doirasida eng yaxshi reklama uchun ochiq ovoz berish boshlandi.
Bu yil tanlovda 12 ta nominatsiyada 268 ta reklama loyihasi qatnashadi. Barcha tanlov ishlarini O‘zbekiston marketing uyushmasining marketing.uz
(https://marketing.uz/tafest-konkurs-2022/) saytida ko‘rish mumkin.
12 oktyabrga qadar mamlakatning har bir aholisi @tafuzbot (https://t.me/tafuzbot) Telegram-botida oltin, kumush va bronza sovrinlar sohiblarini tanlashda qatnashishi mumkin.
Iste’molchilar ochiq ovoz berishining noyobligi nimada?
“Odatda, biz atrofimizdagi reklamani iste’molchi sifatida ko‘ramiz, eshitamiz, lekin u qanday yaratilishi haqida o‘ylab ko‘rmaymiz, – deydi tanlov tashkilotchisi, O‘zbekiston marketing uyushmasi raisi Diyor Mirzaahmedov. Tanlov bu – reklamaga ijodiy jarayon o‘laroq qiziqadigan barcha uchun u yoki bu reklamaning yuzaga kelishiga nima sabab bo‘lishini, u biznesning qanday muammolari va vazifalarini hal qilishini bilishning imkoniyatidir. Tanlovga qo‘yilgan har bir loyiha nafaqat vazifaning tavsifini, g‘oya va yechimini, balki u amalga oshirilgandan keyin erishilgan natijani ham o‘z ichiga oladi. Hozirda saytga O‘zbekistonda keyingi paytlarda amalga oshirilgan reklama loyihalarining eng to‘liq katalogi to‘plangan. Bu –brendlarning iste’molchilar bilan kommunikatsiyasi samaradorligini tahlil qilish nuqtayi nazaridan eng qimmatli axborot. TAF! tanlovi ham brendlarga, ham iste’molchilarga reklama mohiyatini va u biznesga qanday yordam berishini tushunishning noyob imkoniyatini beradi».
TAF! Eng yaxshi reklama tanlovida 147 ta brend va marketing xizmatlari ko‘rsatuvchi 56 ta agentlikning real mahalliy reklama loyihalarigina qatnashmoqda. Tanlov keyslarida ko‘rsatilganlarning barchasini O‘zbekistonda sotib olish mumkin. Tanlovda ovoz beruvchilarda o‘z xaridorlariga hurmat bilan yondashuvchi va ularga alohida e’tibor beruvchi eng yaxshi brendlar haqida, shuningdek bozordagi eng qiziqarli mahsulotlar va yangiliklar to‘g‘risida ma’lumot olishning ajoyib imkoniyati tug‘iladi.
TAF! eng yaxshi reklama tanlovining navbatdagi o‘ziga xosligi shundaki, har bir ovoz beruvchi o‘z ishtiroki bilan o‘zining sevimli brendi g‘alabasiga hissa qo‘shish imkoniga ega bo‘ladi. Ovoz berish statistikasi mutlaqo shaffof, “real vaqt” rejimida marketing.uz saytida aks etadi va har bir ovoz darhol saytda namoyon bo‘ladi.
O‘zbekistondagi marketing va reklama bilan qiziquvchi har bir inson TAF! Toshkent reklama festivali bilan birga mahalliy reklamani yaxshiroq va qiziqarliroq qilishi mumkin.
22 oktyabrda esa, sizni TAF!22 xalqaro reklama konferensiyasi va tanlov g‘oliblarini taqdirlash marosimiga taklif etamiz (https://marketing.uz/tafest-2022/uz/)
Ma’ruzachilar chiqishlari o‘zbek tiliga sinxron tarjima qilib boriladi.
TAF!22 festivalning bosh hamkori – XON SAROY qurilish kompaniyasi.