Xalqaro ekstremistik tashkilot yetakchilaridan biri Moldovadan O‘zbekistonga ekstraditsiya qilindi

Moldovadan Toshkentga Interpolning O‘zbekistondagi Milliy markaziy byurosi xodimlari boshchiligida diniy-ekstremistik faoliyatga aloqadorligi uchun qidirilayotgan jinoyatchi olib kelindi.

Foto: iiv.uz

Jinoyatchini qo‘lga olish Toshkent va Kishinyov Interpol Milliy Markaziy byurolarining birgalikdagi harakatlari va tezkor-axborot almashinuvi tufayli amalga oshirilgan.

Ma’lum qilinishicha, hibsga olingan shaxs O‘zbekiston huquqni muhofaza qilish organlaridan yashirinib, xalqaro ekstremistik tashkilotga qo‘shilgan hamda u yerda terrorchilik harakatlarini sodir etish va tayyorlash bo‘yicha o‘quv mashg‘ulotlarida ishtirok etib, tashkilot yetakchilaridan biriga aylangan.

Moldovaning vakolatli organlari tomonidan ekstraditsiya masalasi ijobiy hal etilganidan so‘ng, qidirilayotgan shaxs sud oldida javob berish uchun O‘zbekiston huquq-tartibot idoralariga topshirilgan.

Odam savdosida gumonlanayotgan ayol Kuala-Lumpurdan Toshkentga ekstraditsiya qilindi