Bryusselda, Kiyevda bölib ötgan 24-Yevropa Ittifoqi-Ukraina sammitidan bir hafta ötib, Ukraina prezidenti Volodimir Zelenskiy iştirokida Yevropa kengaşining favqulodda yiğilişi boşlanadi. 9 fevral, payşanba kuni Zelenskiy Parijdan Bryusselga uçib ketdi, u yerda bir kun avval Fransiya prezidenti Emmanuel Makron va Germaniya kansleri Olaf Şols bilan uçraşdi.
Zelenskiyni aeroportda kutib olgan Yevrokomissiya raisi Ursula fon der Lyayyen Twitter’da Yevropa Ittifoqi Ukrainani YeIga qaratilgan har bir qadamida qöllab-quvvatlaşi töğrisida yozdi. Uning ta’kidlaşiça, Ukraina Yevropa davlatlari oilasining bir qismidir.
Sammit boşlanişidan oldin Şols özini Rossiya bosqinidan himoya qilayotgan Ukrainani qöllab-quvvatlaşda Yevropa Ittifoqi davlatlarining birligini olqişladi. Deyarli bir yil davomida yevropaliklar ukrainaliklar bilan birdamlik körsatdi, deydi u. Bundan taşqari, Şols yana bir bor Ukrainaga harbiy yordam körsatiş böyiça qarorlarni birgalikda qabul qilişda davom etişi kerakligini va Germaniya hozirda Yevropa Ittifoqida mutlaq körsatkiçlarda Kiyevga eng yirik fuqarolik va harbiy yordam körsatuvçi davlat ekanligini ta’kidladi.
Öz navbatida, Estoniya boş vaziri Kaya Kallas Yevropa Ittifoqini Ukraina uçun birgalikda qurol olişga çaqirdi. Koronavirus pandemiyasi davrida vaksina sotib oliş kabi, yevropaliklar birgalikda qurol sotib olişlari kerak, dedi u sammitdan oldin. Bundan taşqari, u Ukrainada uruş jinoyatlarini sodir etganlarni javobgarlikka tortiş va buning uçun xalqaro maxsus tribunal yaratiş zarurligini ta’kidladi.
Şu bilan birga, ularning yordami bilan Ukrainani qayta tiklaşni moliyalaştiriş uçun Rossiyaning YeI mamlakatlaridagi aktivlari musodara qilinişi kerak, deydi Kallas. «Bu yevropalik soliq tölovçilarga yuklanişi notöğri bölardi», dedi u.
Sammitning asosiy mavzularidan biri Ukrainaga yangi yordam, jumladan, harbiy yordam böladi. Bundan taşqari, uçraşuvlarda Yevropa Ittifoqiga qöşiliş jarayoni, Rossiyaga qarşi sanksiyalarni kengaytiriş va uni Ukrainadagi harbiy jinoyatlar uçun javobgarlikka tortiş masalalari muhokama qilinadi.
