O‘zbekistonga Kavkaz hududlaridan nam havo massalari kirib keladi

Bugun, 3 mart kuni O‘zbekiston hududi bo‘yicha havo bulutli bo‘ladi, yog‘ingarchilik kutilmaydi, faqat Toshkent viloyatining tog‘oldi va tog‘li hududlarida yomg‘ir yog‘adi, baland tog‘larda yog‘ingarchilik (yomg‘ir, qor) bo‘ladi. 

«O‘zgidromet» xabariga ko‘ra, kunduzgi harorat +15...+20 daraja atrofida, janubda ba’zi joylarda +23 darajagacha bo‘ladi.

4 mart kuni respublikaning shimoli-g‘arbiy hududlariga Kavkaz hududlaridan nam havo massalari kirib kelishi boshlanadi. Qoraqalpog‘iston Respublikasida ba’zi joylarda biroz yomg‘ir yog‘ishi mumkin. 

5 mart kuni nam havo massasi O‘zbekistonning barcha hududlariga tarqaladi. Respublika bo‘yicha ba’zi joylarda yomg‘ir yog‘adi. Qoraqalpog‘iston Respublikasi, Xorazm viloyatida va Farg‘ona vodiysi viloyatlarida yog‘ingarchilik kutilmaydi.
Kunduzgi havo harorati +21...+24 daraja, yomg‘ir paytida +18...+20 daraja atrofida bo‘ladi.

3–5 mart kunlari respublika bo‘yicha ba’zi joylarda shamol tezligi 15–20 metr/soniyagacha kuchayishi, ayrim joylarda chang-to‘zon bilan kuzatiladi. Navoiy va Jizzax viloyatlarida 5 mart kuni shamol 22–25 metr/soniyagacha kuchayishi mumkin.

Poytaxtda 3–4 mart kunlari havo kam bulutli bo‘ladi, yog‘ingarchilik kutilmaydi. 5 mart kuni biroz yomg‘ir yog‘adi. Shamol sharqdan 5–10 metr/soniya tezlikda esadi, 5 martda 12–15 metr/soniyagacha kuchayishi mumkin.

Havo harorati bugun kunduzi +17...+19 darajani, shanba va yakshanba kunlari +19...+21 darajani tashkil etadi.