Moskvadan Berlinga maxsus aviareys uchib kelib, 3 soatdan keyin qaytib ketdi - DW 

Rossiyaning Il-96-300 samolyoti (“Rossiya” Special Flight Squadron - maxsus parvoz otryadi) Moskvadan RSD 898 muntazam bo‘lmagan reysini amalga oshirdi. Layner 22 aprel, shanba kuni ertalab soat 9 larda Berlinning BER aeroportiga qo‘ndi. Parvozlarni kuzatish bo‘yicha Flightradar24 veb-saytida paydo bo‘lgan ma’lumotni DW’ga vakolatli manba ham tasdiqlangan. 

Uning so‘zlariga ko‘ra, gap xizmat ko‘rsatish BER fuqarolik aeroporti vakolatiga kiruvchi muntazam yo‘lovchi reysi haqida ketayotgani yo‘q. DW izoh so‘rab murojaat qilgan Germaniya Mudofaa vazirligi va Tashqi ishlar vazirligidan xabar e’lon qilingan vaqtga qadar hech qanday javob olinmagan. 

Flightradar24 saytidagi ma’lumotlarga ko‘ra, mahalliy vaqt bilan taxminan soat 12:13 (Toshkent vaqti bilan 15:10) da samolyot Berlin aeroportidan havoga ko‘tarilgan. Uning "Vnukovo" aeroportiga qo‘nishi Toshkent vaqti bilan soat 17:38 da kutilmoqda, deyiladi saytda. 

RIA “Novosti” Rossiya davlat axborot agentligi xabariga ko‘ra, Rossiya prezidentining samolyoti - "1-raqamli bort" - to‘rt dvigatelli uzoq masofaga uchuvchi Il-96-300PU sanaladi. Bu Il-96 yo‘lovchi samolyotining sezilarli darajada o‘zgartirilgan variantidir.