Ronaldu Ginness rekordlari kitobida, Holand Mbappedan o‘zib ketdi. Yevropada kun o‘yinlari

Glazgodagi toshqin

A guruhi

Shotlandiya – Gurjiston 2:0
Gollar: 1:0 – 6 Makgregor, 2:0 – 47 Maktominey.
Aniq ijro etilmagan penalti: Kvaratsxeliya (90+4). 
Shotlandiya – Gann, Hiki, Tirni (Suttar, 79), Hendri, Porteus, Roberson, Makgregor (Jyek, 79), Maktominey, Gilmor (Maklin, 86), Makginn (Kristi, 90), Dayks (Nisbet, 79).
Gurjiston – Mamardashvili, Kakabadze, Kashiya, Kverkveliya, Dvali (Gocholeyshvili, 56), Lobjanidze (Davitashvili, 64), Kvekveskiri (Zivzivadze, 56), Kiteyshvili, Gagnidze, Mikautadze, Kvaratsxeliya.
Ogohlantirishlar: Xiki (45), Roberson (67), Gocholeyshvili (68), Gagnidze (75).

Kutilmaganda guruh peshqadami bo‘lib olgan jamoa maydonidagi o‘yinda gurjistonliklar nafaqat raqibga, balki kuchli yomg‘ir tufayli suv bosgan maysazorga qarshi ham kurashishiga to‘g‘ri keldi. Uzatmalar va zarbalardan keyin to‘p ko‘lmakda turib qolaverdi, ammo Shotlandiya bunga qandaydir qilib moslashdi va burchakdan uzatib berilgan to‘pni Makgregor o‘ziga bo‘ysundirib zarba berdi, to‘p Mamardashvilining qo‘llaridan sirg‘alib chiqib ketdi. Faqat maydondagi voqealar futbolga o‘xshamasdi va 10-daqiqada arbitr futbolchilar bilan maslahatlashganidan keyin ularni maydondan olib chiqib ketdi.

Avvaliga o‘yin 20 daqiqaga to‘xtatilgandi, bu vaqt mobaynida «Hempden Park» xodimlari shvabralar bilan suvni maydondan chiqarib tashlashga urindi. To‘xtalish, tabiiyki cho‘zilib ketdi, o‘yin taqdiri bo‘yicha qaror esa boshqa o‘yinlarda ikkinchi bo‘lim boshlanganida qabul qilindi. Arbitr to‘p maydon bo‘ylab normal harakatlana boshlaganidan keyin ruxsat berdi, ammo jamoalar uchun qo‘shimcha chigalyozdi mashg‘ulotlari talab etilardi, shu tufayli o‘yin qayta boshlanganida boshqa o‘yinlar tugab bo‘lgandi.

Tanaffusgacha hisob o‘zgarmay qoldi, ikkinchi bo‘lim boshlanganida esa Maktominay jarima maydoniga kiriboq, ajoyib zarba bilan darvozaning pastki burchagini aniq nishonga oldi. Voqealar rivoji o‘yin taqdiri amalda hal bo‘lganini ko‘rsatardi. Saralashda ilk bor mag‘lubiyatga uchragan Gurjiston qo‘shimcha daqiqalarda belgilangan penaltidan ham gola ura olmadi, Kvaratsxeliya mavsumda navbatdagi bor «nuqta»dan xato zarba berdi. Shotlandiya esa to‘rt o‘yinda to‘rt g‘alaba bilan guruhda peshqadamlik qilmoqda.

Norvegiya – Kipr 3:1
Gollar: 1:0 – 12 Solbakken, 2:0 – 56, penalti Holand, 3:0 – 60 Holand, 3:1 – 90 Kastanos.
Norvegiya – Nyuland, Ryuerson (Vembangomo, 59), Strannberg, Estigor, Meling, Eursnes (Velde, 87), Berg (Torstvedt, 74), Edegor, Solbakken (Berge, 58), Serlot, Holand (Finne, 87).
Kipr – Mall, Layfis, Ioannu, Gogich, Anderson Korreyya, Pileas (Andreu, 61), Xaralampus (Tsionis, 62), Kusulos (Satsias, 90), Kastanos, Antoniu (Loizu, 62), Pittas (Xristofi, 70).
Ogohlantirishlar: Eursnes (18), Pittas (37), Finne (89).

Norvegiya nihoyat saralash turniridagi ilk g‘alabasiga erishdi, birinchi bo‘limdagi muvaffaqiyatsiz urinishlardan keyin Holand ikkinchi bo‘limda to‘rt daqiqa ichida dublni rasmiylashtirdi. Avvaliga u penaltini aniq ijro etdi, keyin esa o‘yindan ham gol urdi. Erling uchun bu mavsumda bir o‘yinda darvozani ikki bor ishg‘ol etish bilan bog‘liq o‘n to‘rtinchi holatdir, Holand klub va milliy jamoa safidagi barcha turnirlar qo‘shib hisoblanganda 56 gol urib ulgurdi. Bu Mbappening ko‘rsatkichidan ikkitaga ko‘proq.

9 sentabr. Gurjiston — Ispaniya, Kipr — Shotlandiya

Lukaku oldingi formasiga qaytmoqda

F guruhi

Estoniya – Belgiya 0:3
Gollar: 0:1 – 37 Lukaku, 0:2 – 40 Lukaku, 0:3 – 90 Bakayoko.
Estoniya – Xeyn, Teniste (Reynkort, 79), Mets, Kuusk, Peetson, Sinyavskiy, Miller (Sheyn, 74), Poom (Aner, 61), Kyayt, Oyamaa (Tunev, 46), Sappinen (Sorga, 74).
Belgiya – Zels, Kastan, Vertongen (Al-Dohil, 58), Fas, Teate (Deman, 88), Karrasko, Tilemans, Ndayishimiye (Doku, 57), Vranks (Mangalya, 57), Bakayoko, Lukaku (Batshuayi, 69).
Ogohlantirishlar: Kastan (4), Vranks (22), Sinyavskiy (23), Oyamaa (27), Tunev (74).

Domeniko Tedesko va Belgiya jamoasining eng taniqli futbolchilaridan biri Kurtua o‘rtasida tushunmovchilik yuzagga kelishi, jahon birinchiligidagi ichki mojaro hali to‘la barham topmaganini ko‘rsatdi. Darvozabon jarohat bahonasida milliy jamoa ixtiyorini tark etdi, uning darvozadagi o‘rnini Zels egalladi.

Shunga qaramay, bu darajadagi raqib bilan o‘yinda «qizil iblislar» uchun darvozada kim turishi unchalik ahamiyatli emasdi. Yana sardorlik bog‘ichini taqqan Lukaku uch daqiqa ichida natijani ta’minladi. Forvard bu oraliqda qanotdan berilgan uzatmalarni golga aylantirdi (ayrim resurslar birinchi holatda avtogol qayd etishdi). Ammo Lukaku baribir saralash turnirlarida golli seriyasini o‘n besh o‘yinga yetkazdi.

Avstriya – Shvetsiya 2:0
Gollar: 1:0 – 81 Baumgartner, 2:0 – 89 Baumgartner.
Avstriya – Shlager, Posh (Veber, 46), Alaba, Linxart, Mvene, Vimmer (Zabitser, 59), Baumgartner (Lyubichich, 90), Shlager (Grillich, 71), Zayvald, Gregorich, Adamu (Arnautovich, 46).
Shvetsiya – Olsen, Valkvist, Lindelyof, Xin, Olsson, Svanberg (Klasson, 87), Forsberg (Karlsson, 77), Ekdal (Karlstrem, 46), Gustafsson, Kulusevski (Elanga, 87), Isak (Dokeresh, 76).
Ogohlantirishlar: Posh (12).

Avstriya va Shvetsiya o‘yini yorqin epizodlarga boy bo‘ldi va uzoq vaqtgacha gol urilmagani hayron qoldirardi. Bunda asosiy aybdor — mehmonlar darvozasini qo‘riqlagan Olsen bo‘ldi. Ammo u baribir sehrgar emasdi va butun o‘yin davomida qutqara olmadi. Maydondagi futbolchilar esa barchasini darvozabonning gardaniga yuklab qo‘yishgandi va Baumgartner ikki marta qaytgan to‘pga zarba berish orqali gollar urdi. Birinchi gol Avstriyaning 19-zarbasidan keyin urildi, natijada avstriyaliklar guruh peshqadamligini saqlab qolishdi.

9 sentabr. Ozarboyjon — Belgiya, Estoniya — Shvetsiya.

Krish Ginness rekordlari kitobida

J guruhi

Islandiya – Portugaliya
Gol: 0:1 – 89 Ronaldu.
Islandiya – Runarsson, Fridriksson (Sampsted, 79), Ingason, Paulsson, Magnusson, Villumsson, Gudmundsson, Traustason (Youxannesson, 75), Gudmundsson, Finnbogason (Magnusson, 75), Torsteynsson (Xaraldsson, 79).
Portugaliya – Diogu Koshta, Diogu Dalot, Pepe, Ruben Diash, Danilu Pereyra (Otavio, 84), Joau Kanselu (Gerreyru, 67), Brunu Fernandesh (Vitinya, 84), Bernardu Silva (Diogu Jota, 90), Ruben Nevesh (Inasiu, 67), Rafael Leau, Ronaldu.
Ogohlantirishlar: Diogu Dalot (27), Gudmundsson (45), Finnbogason (45), Villumsson (70), Torsteynsson (74), Bernardu Silva (74), Ronaldu (83).
Chetlatish: Villumsson (80).

Krishtianu Ronaldu tarix yozishda davom etmoqda — Reykyavikda u milliy jamoa safida 200-o‘yinni o‘tkazgan ilk futbolchiga aylandi. Bu voqea uning milliy jamoadagi debyutidan 19 yil-u 304 kun o‘tganida ro‘y berdi va Islandiya poytaxtida Krish uchun maxsus marosim uyushtirildi. Odatda bunday tadbirlar eng yaqin uy o‘yiniga ko‘chiriladi, ammo uning shaxsiyati va hodisa ko‘lamini hisobga olgan holda, istisno qilindi. Ronalduga Ginness rekordlar kitobi sertifikatini ham topshirishdi.

Maydonda esa Portugaliya uchun barchasi oson kechmadi. Mehmonlar hujumkor o‘ynashdi va vaziyatlar yaratishdi, ammo Roberto Martines kelganidan buyon jamoa ilk bor birinchi bo‘limda gol ura olmadi. Shu bilan birga, uning boshqaruvidagi jamoa saralash bosqichi startidagi to‘rt o‘yinda gol o‘tkazib yubormadi, o‘yin oxirida esa g‘alaba dramaturgiya qonunlari bo‘yicha ro‘y berdi — Ronaldu 90-daqiqada aniq zarba berdi. Avvaliga uning goli bekor qilingandi, ammo VAR xatoni tuzatdi, endi portugaliyalik to‘purarning Yevropa chempionatlari uchun saralash bosqichida urgan gollari soni 36 taga yetdi, u jahon chempionatlari uchun saralash o‘yinlarida ham shuncha gol urgandi. Milliy jamoadagi 200 o‘yinda urilgan jami gollar soni esa 123 taga yetdi

Bosniya va Gersegovina – Lyuksemburg 0:2
Gollar: 0:1 – 4 Borjyes Sanshes, 0:2 – 74 Sinani.

Lixtenshteyn – Slovakiya 0:1
Gol: 0:1 – 45 Vavro.

8 sentabr. Slovakiya — Portugaliya, Lyuksemburg — Islandiya, Bosniya — Lixtenshteyn.

Serbiyaning qutilib qolishi

G guruhi

Bolgariya – Serbiya 1:1
Gollar: 1:0 – 47 Despodov, 1:1 – 90 Lazovich.
Bolgariya – Dyulgerov, Popov (Galchev, 86), Xristov, Antov, Gruyev, Chochev (Krastev, 66), Despodov (Delev, 78), Rusev (Petrov, 86), Iliyev (Stefanov, 66), Krayev, Petkov.
Serbiya – Milinkovich-Savich, Milenkovich, Pavlovich, Gudel, Kostich (Mladenovich, 71), Milinkovich-Savich, Maksimovich (Gruyich, 81), Lukich (Yovanovich, 58), Jivkovich (Lazovich, 71), Tadich, Yovelich.
Ogohlantirishlar: Petkov (42), Rusev (62), Milenkovich (70), Dyulgerov (81), Yovelich (81), Pavlovich (88).

O‘tgan turni o‘tkazib yuborgan Serbiya bu turda Bolgariyada sensatsion ravishda ochko yo‘qotib, peshqadamlikni boy berdi. Dragan Stoykokich shogirdlari mag‘lubiyatga uchrashi ham mumkin edi, ammo o‘yinga qo‘shib berilgan oltinchi daqiqada Lazovichning zarbasi jamoaga bir ochko olib keldi. Guruh peshqadamligini esa qo‘shimcha ko‘rsatkichlarga ko‘ra ustun bo‘lgan Vengriya qo‘liga o‘tdi.

Vengriya – Litva 2:0
Gollar: 1:0 – 32 Varga, 2:0 – 83 Shallai.

7 sentabr. Serbiya — Vengriya, Litva — Chernogoriya.

Ye guruhi

Moldova – Polsha 3:2
Gollar: 0:1 – 12 Milik, 0:2 – 34 Levandovski, 1:2 – 48 Nikoleyesku, 2:2 – 79 Nikoleyesku, 3:2 – 85 Baboglo.
Moldova – Raylyan, Revenko, Posmak, Mudrak, Krechun, Ryabchuk, Baboglo, Dros (Motspan, 46), Kojokaru, Domashkan (Postolaki, 46), Nikoleyesku (Kojokar, 85).
Polsha – Shchensny, Kendzera, Bednarek, Kiver, Zalevski (Kaminski, 64), Zelinski, Shimanski (Linetti, 83), Shimanski, Frankovski (Bereshinski, 64), Levandovski, Milik (Sviderski, 73).
Ogohlantirishlar: Baboglo (51), Nikoleyesku (80), Raylyan (89), Ryabchuk (90).

Germaniyaga qarshi nazorat o‘yinida Yakub Blashchikovski bilan ta’sirli xayrlashuv marosimi o‘tkazgan polyaklar uch kun o‘tib o‘tkazilgan o‘yinda ortiqcha bo‘shashishdi. Kishinyovdagi o‘yin mehmonlar ssenariysi bo‘yicha boshlangandi. Milikning tezkor goli va Levandovskining navbatdagi muvaffaqiyati, keyin esa — falokat boshlandi. Barchasini Nikolaeskuning ikkita ajoyib zarbasi o‘zgartirib yubordi, qolaversa, bu ikki gol oralig‘ida hakamning qarori tufayli uning bir goli bekor qilindi. Moldovaliklarning uchinchi golidan keyin esa polyaklar o‘ziga kela olishmadi. Endilikda Fernandu Santush jamoasi guruhda faqat Farer orollaridan oldinroqda joylashgan.

Farer orollari – Albaniya 1:3
Gollar: 0:1 – 20 Bayrami, 1:1 – 45 Fere, 1:2 – 51 Aslani, 1:3 – 90 Muchi.

7 sentabr. Chexiya — Albaniya, Polsha — Farer orollari.