Tayanch ixtisoslashtirilgan maktablarining imtihonlari 25-26 iyul kunlari bo‘lib o‘tadi.
Imtihon ruxsatnomasini yuklab olish uchun talabgorning ariza.piima.uz saytiga kiritilgan telefon raqamiga SMS-xabarnoma yuboriladi.
SMS-xabarnoma borgandan so‘ng, ruxsatnomani yuklab olish uchun talabgor ariza.piima.uz saytidagi shaxsiy kabinetida ID raqamini kiritishi kerak.
Kirish imtihonlari bir bosqichda yo‘nalishlar bo‘yicha quyidagi tartibda o‘tkaziladi:
a) Aniq fanlar yo‘nalishi uchun:
- matematika fanidan 30 ta topshiriq (test shaklida)
- ingliz tili fanidan 15 ta topshiriq (test shaklida)
b) Tabiiy fanlar yo‘nalishi uchun:
- tabiiy (Science) fanlaridan 30 ta topshiriq (test shaklida)
- ingliz tili fanidan 15 ta topshiriq (test shaklida)
Talabgorlarga topshiriqlarni bajarish uchun 90 daqiqa vaqt beriladi.
2023-2024 o‘quv yilida Ixtisoslashtirilgan ta’lim muassasalari agentligi tizimidagi 3 ta Tayanch ixtisoslashtirilgan maktabi:
- Muhammad al-Xorazmiy nomidagi ixtisoslashtirilgan maktabining – aniq fanlar yo‘nalishi bo‘yicha 5-sinfiga;
- Mirzo Ulug‘bek nomidagi ixtisoslashtirilgan maktabining – aniq fanlar yo‘nalishi bo‘yicha 7-sinfiga;
- Abu Ali ibn Sino nomidagi ixtisoslashtirilgan maktabining – tabiiy fanlar yo‘nalishi bo‘yicha 7-sinfiga qabul qilinadi.
Imtihon natijalari Agentlikning rasmiy veb-saytida e’lon qilinadi.
