Foto: Videodan kadr
Surxondaryo viloyati Jarqo‘rg‘on tumanidan oqib o‘tuvchi kanalga Gentra tushib ketdi. Bu haqda Favqulodda vaziyatlar vazirligi axborot xizmati xabar berdi.
Unga ko‘ra, 22 iyul kuni Surxondaryo viloyati Jarqo‘rg‘on tumani «Dehqonobod» MFY hududidan oqib o‘tuvchi Zang kanaliga Gentra tushib ketgani to‘g‘risida FVBga xabar tushgan.
Zudlik bilan voqea joyiga FVB qutqaruvchilari yetib borib, maxsus asbob-anjomlar va texnika yordamida avtomashinani kanaldan chiqarib olgan. Hodisa oqibatida tan jarohati olgan va halok bo‘lganlar yo‘q.
Bundan avvalroq Namangan viloyatida Shimoliy Farg‘ona kanaliga tushib ketgan Damas rusumli 2 ta avtomashina olib chiqilgani xabar qilingandi.
