O‘zbekistonda «Ta’lim uchun qulay muhit» dasturi amalga oshiriladi

«O‘zbekiston – 2030» strategiyasi to‘g‘risida»gi prezident farmoni loyihasi e’lon qilindi.

Unga ko‘ra, umumiy o‘rta ta’lim tizimida «Ta’lim uchun qulay muhit» dasturini amalga oshirish taklif etilmoqda.

Dastur doirasida:

• 2023-2024-o‘quv yildan boshlab har yili 500 ming yangi quvvatlarni tashkil etib borish;
• o‘quv o‘rinlari sonini 7,5 milliongacha yetkazish;
• 100 foiz umumiy o‘rta ta’lim muassasalarini toza ichimlik suvi va zamonaviy sanitariya-gigiyena infratuzilmasi bilan to‘liq ta’minlash;
• 2,5 million o‘quvchi o‘rniga ega maktablar qurishga 8 milliard dollar ajratish rejalashtirilmoqda.