5 yilda xorijiy aviakompaniyalarning O‘zbekistonga reyslari soni ikki baravar ko‘paydi

O‘zbekistonga parvozlarni bajaruvchi xorijiy aviakompaniyalar tomonidan amalga oshirilayotgan parvozlar 2018 yilga nisbatan 2 barobarga ko‘payib, xalqaro yo‘nalishlarda amalga oshirilayotgan jami qatnovlarning 49 foizini tashkil qilmoqda.

Foto: Kun.uz

Transport vazirligi ma’lumotiga ko‘ra, joriy yilning 9 avgust kuni Qeshm Air aviakompaniyasi Tehrondan Toshkentga muntazam aviaqatnovlarni har chorshanba kunlari amalga oshirishi kutilmoqda.

Shuningdek, Azal Airways aviakompaniyasi Boku-Samarqand-Boku yo‘nalishi bo‘yicha muntazam aviaqatnovlarni tiklamoqda. Reyslar har payshanba amalga oshiriladi.

Bu yil aviareyslar soni haftasiga qariyb 800 taga yetdi.