Unga ko‘ra, 18 ta yo‘nalishda tanlov sinflari tashkil etish tavsiya etiladi.
Foto: Kun.uz
O‘zbekiston maktabgacha va maktab ta’limi vaziri tomonidan «Umumiy o‘rta ta’lim muassasalarida 2023-2024-o‘quv yiliga mo‘ljallangan variativ o‘quv rejalarini tasdiqlash to‘g‘risida»gi buyruq imzolandi.
Unga ko‘ra, 18 ta yo‘nalishda tanlov sinflari tashkil etish tavsiya etiladi. Tanlov sinfi umumiy o‘rta ta’lim muassasasida mavjud 7-11-sinflar o‘quvchilari kontingenti hisobidan ixtiyoriy ravishda tashkil etiladi.
Umumiy o‘rta ta’lim muassasalarida bir nechta yo‘nalishda tanlov sinfi tashkil etilishi mumkin. Bunda, ta’lim muassasasida 7-11-sinflarning biridan bitta sinf mavjud bo‘lgan taqdirda ham tanlov sinfi tashkil etiladi.
