Baxmut uçun jang, Avdiyivkadan evakuatsiya davom etmoqda. Uruş suratlari

Ukrainadagi uruşning 618-kuni ötdi. Asosiy ma’lumotlar:

• Zelenskiy Ukraina QK maxsus operatsiyalar kuçlari qömondonini almaştirdi.
• Isroil hukumati Rossiya Yaqin Şarqdagi uruşdan e’tiborni Ukrainadagi uruşdan çalğitişda foydalanayotganini ma’lum qildi.
• AQŞ Ukrainaga 425 million dollar miqdoridagi yangi harbiy yordam paketini taqdim etdi.
• Rossiya qöşinlari Ukraina böylab dronlar orqali yoppasiga zarbalar yölladi. Xarkiv oblastida dron öquv binosiga kelib tuşgan.
• Belgorod oblasti Şebekino şahri öqqa tutilişi oqibatida uç kişi yaralandi.
• Pussy Riot a’zosi Petr Verzilov Buça haqidagi postlari tufayli sirtdan sakkiz yarim yil muddatga hukm qilindi.
• «Rossiyaning istalgan fuqarosi hamişa vatanga erkin qaytişi mumkin». Kreml — Alla Pugaçeva Rossiyaga kelgani haqida.

Xarkiv öqqa tutilişi

3 noyabrga ötar keçasi RF qurolli kuçlari Shahed tipidagi kamikadze-dronlar bilan Ukraina hududini öqqa tutdi. Ukraina QK boş ştabi ma’lumotlariga köra, kamida 14 ta uçuvçisiz uçar qurilma nişonga yetib borgan. Asosiy zarbalar Xarkiv şahri va Xarkiv oblasti hududiga töğri kelgan: politsiya xabariga köra, regionda fuqarolik  infratuzilmalariga rossiyaliklarning önta droni hujum qilgan. Jabrlanganlar yöq, ammo xöjalik qurilmalari şikastlangan; şuningdek, bir neça joyda yonğin çiqqan.

Rasmiylarning köndirişlariga qaramay evakuatsiyadan boş tortayotgan avdiyivkaliklar

Rossiyaning keng kölamli bosqini boşlanganidan keyin Avdiyivka uruşning qaynoq nuqtalaridan biriga aylangan. 2022 yil fevraliga qadar uşbu aholi yaşaş manzilida 35 kişi yaşagan bölsa, hozirga kelib, Ukraina boş vaziri örinbosari - vaqtinça okkupatsiya qilingan hududlar reintegratsiyasi vaziri Irina Vereşçukning sözlariga köra, şaharda mingga yaqin kişi qolgan. Şahar harbiy ma’muriyati rahbari Vitaliy Barabaşning tasdiqlaşiça, Avdiyivkada birorta butun bino qolmagan.

Barabaşning sözlariga köra, şahardagi barçani evakuatsiya qiliş imkonsiz, bunga qonun ham yöl qöymaydi. «Har bir evakuatsiya maxsus amaliyotga öxşaydi. Birgina kişini olib çiqiş uçun ham köp sonli guruh harakat qilişi kerak. Odamlarni ketişga köndiriş öta qiyin, bizni [hukumat vakillarini] yuz martalab yuborişgan, ularning qarindoşlari bilan ham gaplaşiş kerak», — degan Barabaş. 14 oktyabr kuni u Avdiyivkadan odamlarni olib çiqiş uçun kelişilgan yölak mavjud emasligini ma’lum qilgan.

«Da Vinçi börilari» batalyonining tibbiy xizmati

«Da Vinçi börilari» — Ukraina qurolli kuçlarining 2014 yilda şturm rota sifatida taşkil etilgan, hozirga kelib quruqlik qöşinlarining 1-alohida mexanizatsiyalaşgan batalyoniga aylantirilgan qismi. Batalyon bu nomni öz komandiri — «Da Vinçi» laqabli köngilli Dmitro Kotsyubaylo şarafiga olgan, 2021 yilda The New York Times u Avdiyivkadagi ofisida qölga örgatilgan börini saqlagani haqida yozgandi. 2021 yilda Kotsyubaylo tirikligida Ukraina Qahramoni unvonini olgan ilk köngilliga aylangandi. U 2023 yil martida Baxmut uçun janglar vaqtida halok bölgandi.

Hozirda «Da Vinçi börilari» Kupyansk ostonasida jang qilmoqda.

Ukraina qurolli kuçlarining Baxmut atrofidagi pozitsiyalari

Ukraina QK Boş ştabi xabariga köra, Baxmut ukrain qöşini rossiyaliklarning pozitsiyalariga yuriş qilayotgan yönalişlardan biri bölib qolmoqda. The Economist materialida Ukraina QK boş qömondoni Valeriy Zalujniy tan olganidek, duşman mudofaa çiziğini yorib ötişga muvaffaq bölinmayapti — ammo bu uruş davrida ikki tomon uçun ham ramziy ahamiyatga ega bölgan uşbu şaharni ozod etiş Kiyevning strategik maqsadi bölib qolmoqda.