Infinix hamda PUBG Mobile hamkorligida o‘tkazilayotgan “Talabalar kampus turniri” kibersport turnirining ikkinchi musobaqasida O‘zbekistondagi 16ta universitetlardan talabalar ishtirok etishdi.

2023 yilning 15 sentabridan 29 oktyabrga qadar davom etgan turnir davomida talabalar kibersport bo‘yicha o‘z mahoratlarini namoyish etib, eng yaxshi o‘yinchi va eng yaxshi jamoa nomi uchun kurash olib borishdi.

Turnirning Grand-final bosqichida Toshkent davlat iqtisodiyot universitetining AVALANCHE TEAM jamoasi g‘olib deb topildi. Jamoa a’zolari Artyom Shikov, Humoyun Jahongirov, Abdulloh Muhammadov va Sanjar Muxtorovlar 1-o‘rin uchun 1000 AQSh dollari miqdorida pul mukofoti va to‘rtta Infinix Note 30 Pro smartfonlarini qo‘lga kiritishdi.

2-o‘rin va Infinix smartfonlari Toshkent moliya institutining TMI ESPORs jamoasiga nasib etdi.

3-o‘rin va Infinix smartfonlarining sovrindorlari Islom Karimov nomidagi Toshkent davlat texnika universitetining "ELEKTRONIKA" jamoasi o‘yinchilari deb topildi.

Final musobaqasi “Yunusobod” sport majmuasida o‘tkazildi. Tadbir o‘tkazilayotgan majmua PUBG Mobile va Infinix brendlarining logotiplari bilan qoplandi.

Tadbir davomida Infinix mehmonlar va muxlislarga o‘z maydonchasida brend smartfonlarida PUBG Mobile o‘ynash imkoniyatini berdi. Ular mustaqil ravishda o‘yinda o‘zlarini sinab ko‘rishdi. 

Buning uchun mehmonlar va muxlislarga Note 30 seriyali murakkab vazifalarni bajarishga mo‘ljallangan smartfonlar taqdim etildi. Note 30’ning asosiy afzalliklaridan biri 45W  universal tez zaryadlanishi hisoblanadi. Bundan tashqari Note 30 versiyasidagi barcha smartfonlar PD 3.0 tez quvvatlash xalqaro standartlariga moslashtirilgan.

Note 30 ByPass tizimi bilan jihozlangan - yoqilganda, batareyani chetlab o‘tib, elektrga ulangan smartfon avtomatik ravishda to‘g‘ridan-to‘g‘ri elektr energiyasi bilan ta’minlanadi, bu esa o‘yin davomida qurilmani haddan tashqari qizib ketishining oldini oladi.   

Infinix Note 30 120 Gs displeyga ega va o‘z seriyasidagi boshqa modellar singari JBL audio va Hi-Res sertifikatiga ega stereodinamiklar bilan jihozlangan.