Qoʻshimcha funksionallar
-
Tungi ko‘rinish
Kelgusi hafta boshida respublika hududiga juda sovuq havo massasi kirib keladi – «O‘zgidromet»
11–12 dekabr kunlari kechasi –7...–10 darajagacha sovuq bo‘lishi kutilmoqda. 10–11 dekabr kunlari respublika bo‘ylab yog‘ingarchilik kuzatilishi, yomg‘ir qorga aylanishi mumkin.
«O‘zgidromet» havo keskin sovib ketishi haqidagi prognozlarga izoh berdi.
Ma’lum qilinishicha, jahon prognoz markazlarining dastlabki hisob-kitoblariga ko‘ra, Ural va G‘arbiy Qozog‘iston orqali Rossiyaning shimoliy Yevropa hududlaridan 9–10 dekabr kunlari O‘zbekistonning shimoliy hududlariga, 11–12 dekabrda esa butun respublika hududiga juda sovuq havo massasi kirib kelishi kutilmoqda.
10–11 dekabr kunlari respublika bo‘ylab yog‘ingarchilik bo‘ladi (yomg‘ir, qorga aylanishi mumkin).
Havo harorati 11–12 dekabrda kechasi –7...–10 darajagacha, kunduzi 0...–3 darajagacha pasayadi, shimolda kechasi –12...–17 daraja, kunduzi –5...–10 daraja bo‘lishi kutilmoqda.
Toshkentda 10–11 dekabr kunlari vaqti-vaqti bilan yog‘ingarchilik (yomg‘ir, qorga aylanishi mumkin) bo‘ladi. 11-12 dekabrda havo harorati kechasi –7...–10 daraja, kunduzi 0...–3 darajagacha pasayadi.
9–12 dekabr kunlari uchun ob-havo ma’lumoti dastlabki hisoblanadi. Agar keskin sovuq yangi ma’lumotlar bilan tasdiqlansa, «Favqulodda gidrometeorologik ma’lumot» maxsus xabari bilan e’lon qilinadi.
