«Aholi salomatligi - 2030» milliy strategiyasini tasdiqlash to‘g‘risida»gi prezident qarori loyiha muhokama uchun e’lon qilindi.
Loyihaga ko‘ra:
- Butunjahon tibbiy ta’lim federatsiyasi (WFME) standartlarini barcha 11 ta oliy tibbiy ta’lim va 74 ta tibbiy texnikumlarda joriy etish;
- xalqaro standartlarga muvofiq bo‘lgan (akkreditatsiyadan o‘tgan) professional va oliy tibbiy ta’lim dasturlarini 10 foizdan 50 foizga yetkazish;
- tibbiyot xodimlarini malaka oshirish o‘quv jarayoni bilan qamrab olish ko‘rsatkichini 25 foizdan 50 foizga yetkazish;
- 8 ta oliy tibbiy ta’lim muassasalarining xalqaro e’tirof etilgan top mingtalikka kiritilishiga erishish;
- 10 ta ilmiy amaliy tibbiyot markazlardagi ilmiy tadqiqot laboratoriyalarni xalqaro GLP yoki GSP akkreditatsiyalaridan o‘tkazish;
- ilmiy tashkilotlardagi ilmiy-tadqiqot laboratoriyalari ulushini 20 foizdan 37 foizga, fundamental ilmiy tadqiqot ishlarini 100 foizga yetkazish;
- ilmiy xodimlar salohiyatini 25 foizdan 46 foizga yetkazish;
- Hirsh indeksi 8 dan yuqori bo‘lgan olimlar ulushini 18 dan 36 foizga yetkazish taklif etilmoqda.