Polshaning katta delegatsiyasi 14-15 mart kunlari O‘zbekistonga tashrif buyuradi.
Varshava va Toshkent o‘rtasida yangi muntazam reyslar (haftasiga 3 marta) yo‘lga qo‘yilishi mumkin. Bu haqda Turizm qo‘mitasi va Uzbekistan Airports vakillari o‘rtasida parvozlar geografiyasini kengaytirish masalalariga bag‘ishlangan uchrashuvda so‘z yuritildi.
Tomonlar muntazam aviaqatnovlarni yo‘lga qo‘yish istiqbollarini muhokama qildilar, shuningdek, mashhur blogerlar, OAV, shuningdek, LOT Polsha Airlines aviakompaniyasi rahbariyatidan tashkil topadigan Polsha delegatsiyasining 14-15 mart kunlari O‘zbekistonga tashrifiga oid tashkiliy masalalarni ko‘rib chiqdi.
Turizm qo‘mitasi xabarida aytilishicha, davlat rahbari tomonidan transport logistikasini rivojlantirish, shuningdek, sayyohlar oqimini kengaytirish va dunyoning turli mintaqalaridan havo qatnovini ko‘paytirishga katta e’tibor qaratilmoqda.
