Ikki belarus va bir polyak Polşa içki xavfsizlik agentligi tomonidan Rossiya harbiy razvedkasi – Rossiya Qurolli kuçlari Boş ştabi Boş boşqarmasi (sobiq "GRU") körsatmasi böyiça mamlakatda qöporuvçilik aktlarini tayyorlaşda gumon qilinib uşlandi. Bu haqda Polşaning Rzeczpospolita gazetasi 29 may, çorşanba kuni öz saytida ma’lum qildi.
Ta’kidlanişiça, Polşa razvedka xizmatlariga köra, erkaklar savdo markazlari, restoranlar va quriliş omborlariga öt qöyişni rejalaştirgan va bunga urinib körgan. Yanvar oyida Polşada ukrainalik qölga olindi, prokuratura ma’lumotlariga köra, u ham Rossiya tomonidan yollangan va Vrotslavdagi bir qator obektlarga, xususan, böyoq işlab çiqariş zavodiga öt qöyişni rejalaştirgan, deya eslatadi naşr.Oxirgi qölga olişlar - bir polyak va ikki belarus uşlanişi - xuddi şu tergov doirasida amalga oşirildi. Qölga olişlardan biri belaruslardan biri yaşagan Pruskov şahrida, qolganlari Varşavada bölib ötdi.
Mukofot puli evaziga öt qöyiş
Jurnalistlarning ta’kidlaşiça, 10 ming yevro mukofot evaziga gumonlanuvçilar Gdanskdagi obekt va Varşava çekkasidagi ikkita obektga öt qöyişga uringan. Uşlangan belaruslardan biri 37 yoşda, ikkinçisi 35 yoşda. Erkaklardan birida Polşa xalqiga tegişli ekanligini tasdiqlovçi hujjat bölgan. Uçinçi gumonlanuvçi polyak 40 yoşda. Pomeraniya provinsiyasida (voyevodaligi) yaşagan.
Rzeczpospolita tergovdagi manbalarga tayanib yozganidek, rejalaştirilgan diversiyaning maqsadi «tartibsizlik, qörquvni keltirib çiqariş» edi.
Xorijiy razvedka xizmatlari körsatmasi böyiça Polşa Respublikasiga qarşi harakatlarni amalga oşiriş maqsadida uyuşgan jinoiy guruhda iştirok etiş moddasi böyiça ikki belarus va bir polyakka nisbatan iş oçildi. Ularni umrbod qamoq jazosi kutmoqda.
NYT: AQŞ Rossiya bilan boğliq diversiyalar sonining köpayişini qayd etmoqda
Avvalroq, 26 may kuni The New York Times gazetasi AQŞ razvedka idoralari Yevropada Rossiya bilan boğlangan qöporuvçilik operatsiyalari sonining köpayişini qayd etayotgani haqida yozgan edi. Ğarb razvedka agentliklariga köra, bu amaliyotlar Rossiya hujumini qaytarişda Ukrainaga yordamga putur yetkazişga qaratilgan kampaniyaning bir qismi bölişi mumkin, deb yozadi naşr.
Asosan, naşrga köra, Rossiya maxsus xizmatlari körsatmasi bilan turli obektlarda öt qöyiş sodir etilgan. Ular orasida Angliyadagi omborxona, Polşadagi böyoq zavodi, Latviyadagi uylar va Litvada IKEA mebel dökoni bor. Şu bilan birga, Rossiya Federatsiyasiga işlaganlikda gumon qilinganlar Amerika harbiy bazalariga ham hujumlar rejalaştirişi mumkin, deyiladi tergovda.
