«Xalaqit beruvçi reyting». Özbekistonga 3-bosqiçda kimlar raqib böladi?

Demak, Özbekiston 3-bosqiç qur’asi paytida 3-savatçada böladi va Yaponiya, Eron, Koreya, Avstraliya, Qatar va Saudiya milliy jamoalari içida ikkitasi bilan bir guruhda töp suradi.

Şu örinda bir mulohaza. Osiyoda 3-saralaş bosqiçi qur’asi paytida savatçalar FIFA reytingiga qarab ajratilişi notöğri deb öylayman. Mazkur siklni yaxşiroq ötkazayotgan jamoalar rağbatlantirilişi, ya’ni 2-bosqiçda guruhda egallagan örinlarga qaralişi maqsadga muvofiqroq bölardi.

Bu variantning yana bir yaxşi tomoni, guruhlarda 1-örin uçun ham kuraş bölişi, dastlabki bosqiç guruhlarida, ayniqsa sönggi turlarda intriga saqlanib qolinişi mumkin edi. Masalan, ayni paytda Özbekiston va Eron keyingi bosqiç masalasini hal qilib bölgan, hatto qaysi savatçalarda örin olinişi ham ma’lum. Agar 3-bosqiç qur’asida savatçalar guruhdagi egallagan örinlarga qarab şakllanganda, oxirgi turda Eron va Özbekiston örtasidagi uçraşuv guruh ğolibligi uçun kuraşga aylanib ketardi. Ya’ni bu Osiyo miqyosdagi musobaqani yanada qiziqarliroq qiladi.

Şubhasiz, reyting ham kerakli, nafaqat FIFA, UYeFAda ham klublar miqyosdagi turnirlarda ham bunday usuldan foydalanişadi. Ammo bu yerda bir farq bor.

Masalan, Çempionlar Ligasi guruh bosqiçiga qur’a taşlanganda klublarning va çempionatlarning reytingi inobatga olinadi. Yevropa jamoalarining JÇ saralaş öyinlarida ham guruhlarga bölinayotganda UYeFA reytingiga asosan savatçalar aniqlanadi. Ammo e’tibor bersangiz, bu turnirning boşlaniş paytidagi jarayon. Yevropada saralaş öyinlari özi bir bosqiçli formatda ötadi. Çempionlar Ligasi pley-off qur’asida esa, klublar reytingi endi heç narsani hal qilmaydi, guruhda qaysi jamoa neçançi örinni olganiga qarab ikki tomonga ajratiladi. «PSJ» öz guruhida 2-örinni olsa, ikkinçi savatçadan, aytaylik, «PSV» öz guruhida 1-örinni olsa, birinçi savatçadan joy egallaydi. Bu yerda Niderlandiya klubi klublar reytingida «PSJ»dan qançalik pastroqda ekani inobatga olinmaydi.

Osiyodagi jahon çempionati saralaş öyinlari bir neça bosqiçlardan iborat yaxlit bir musobaqa ekanini inobatga olsak, bosqiçlar orasidagi qur’alar aynan şu turnirdagi iştirok, avvalgi guruhlarda egallagan öringa qarab amalga oşirilişi adolatliroq bölardi, deb öylayman. Esingizda bölsa, JÇ-2014 saralaş öyinlarida biz Yaponiyani ham ortda qoldirib, guruhda birinçi örinni olganmiz, ammo keyingi bosqiç qur’asida biz emas, yaponlar birinçi savatçadan örin egallaşgan.  

Albatta, bu işning qoğozdagi qismi. Aslida boşqaçaroq yöl ham bor. Masalan, Özbekiston milliy jamoasi bu safar qiyinroq bölsa-da, jahon çempionatiga çiqadi, keyingi sikllarda ham barqaror natijalarni qayd etadi va reytingda kötariladi. Ana şunda biz xuddi Yaponiya yoki Eron singari doimiy ravişda yuqoriroq savatçalardan joy egallayveramiz va buning adolatsiz ekani haqida nolişni boşqa mamlakatlar jurnalistlariga qöyib beramiz.

Q.Aslanov