Qurbon hayiti munosabati bilan qo‘shimcha poyezd qatnovlari yo‘lga qo‘yiladi

Qurbon hayiti bayrami munosabati bilan qo‘shimcha mahalliy poyezd qatnovlari yo‘lga qo‘yiladi.

Transport vazirligi xabariga ko‘ra, 15, 16, 17 iyun kunlari Samarqand — Toshkent — Samarqand yo‘nalishida «Afrosiyob» elektropoyezdining qo‘shimcha harakati yo‘lga qo‘yildi. 

Poyezd quyidagi jadval asosida harakatlanadi:

775-sonli Samarqand — Toshkent yo‘nalishi: Samarqand 11:11 — Toshkent 13:26;
776-sonli Toshkent — Samarqand yo‘nalishi: Toshkent 13:51 — Samarqand 16:05.

14 iyundan 20 iyunga qadar quyidagi yo‘nalishlarda 4 tadan 6 tagacha qo‘shimcha vagonlar ulanib, poyezdlar tarkibidagi vagonlar soni 16 tadan 22 tagacha oshiriladi:

• Toshkent — Xiva — Toshkent;
• Toshkent — Qo‘ng‘irot — Toshkent;
• Toshkent — Shovot — Toshkent;
• Toshkent — Termiz — Toshkent.