Qoʻshimcha funksionallar
-
Tungi ko‘rinish
O‘zbekiston hududiga 5 noyabrdan sovuq va nam havo massalari kirib keladi
Havo harorati ba’zi joylarda –3 darajagacha pasayadi. Ayrim joylarda kuchli yomg‘ir yog‘adi, tog‘larda qorga aylanadi. Ayrim hududlarni suv bosishi mumkin.
5–8 noyabr kunlari O‘zbekiston hududiga sovuq va nam havo massalari kirib kelishi kutilmoqda. Bu haqda O‘zgidromet xabar qildi.
Ushbu kunlarda havo harorati asta-sekin pasayadi va 7–8 noyabrda kechalari 0…+5 darajani, ba’zi joylarda –3 darajani, kunduz kunlari +5...+10 darajani tashkil etadi.
Respublikaning ayrim hududlarida shamol tezligi 13–18 metr/sekundgacha, shimolda va cho‘l hududlarda 20–23 metr/sekundgacha kuchayishi mumkin.
5–6 noyabr kunlari respublika bo‘yicha vaqti-vaqti bilan yomg‘ir yog‘adi, tog‘larda qorga aylanadi, ba’zi joylarda kuchli bo‘ladi.
O‘zbekistonning tog‘oldi va tog‘li hududlarida 5–7 noyabr kunlari sel-suv toshqin hodisalari yuzaga kelishi mumkin. Respublika hududi bo‘yicha yomg‘ir suvlari to‘planishi ehtimoli bor, bu esa hududlarni suv bosishiga olib kelishi mumkin.
