Qishloq xo‘jaligida bir gektardan olinadigan o‘rtacha daromad 5 ming dollarga yetkaziladi 

2025 yilga mo‘ljallangan davlat dasturi loyihasi muhokama uchun e’lon qilindi.

Unga ko‘ra, bir gektardan olinadigan o‘rtacha daromadni 5 ming dollarga yetkazish rejalashtirilgan.

Bunda, yuqori avlodli va xorijiy davlatlardan olib kelingan urug‘lar ekiladi.

Intensiv texnologiyalar (tomchilatib va yomg‘irlatib sug‘orish texnologiyalardan samarali foydalanish va boshqalar)dan  foydalangan holda ekinlarni parvarishlash yo‘lga qo‘yiladi.

Agrotexnik tadbirlar o‘z vaqtida tizimli tashkil qilinadi.

Qishloq xo‘jaligida suvni tejaydigan sug‘orish texnologiyalari joriy qilinadi.

Qishloq xo‘jaligi ekin maydonlarida suv tejovchi texnologiyalarni joriy etish yanada kengaytiriladi.

Jami 500 ming gektar suv tejovchi texnologiyalar, shundan 232 ming gektar tomchilatib, diskret sug‘orish texnologiyalari joriy etiladi, 268 ming gektar maydonlarda lazerli tekislash ishlari amalga oshirish hisobiga 2-2,5 mlrd kub metr suv iqtisod qilinadi.