Xo‘jalik yurituvchi sub’yektlar uchun qator imtiyozlar bekor qilinmoqda

Neft-gaz tarmog‘i obektlarining valuta ehtiyojini to‘la qondirish maqsadida «O‘zbekneftgaz» AJ birlashmalari Ko‘kdumaloq va Mingbuloq konlarida geologik qidiruv ishlarini olib borish va ushbu konlarni o‘zlashtirish mobaynida hamda neftni qayta ishlash zavodi qurilishini nihoyasiga yetkazish muddatiga qadar mahsulotlarni eksport qilishdan undiriladigan soliq to‘lovlaridan ozod qilinishini belgilovchi norma bekor qilinmoqda.

Shuningdek, eksport qiluvchilarning avtomobil, havo va temiryo‘l transportida eksportga tashish xarajatlarini kompensatsiya qilish amaliyoti to‘xtatilmoqda.

EIZda ro‘yxatga olingan xo‘jalik yurituvchi sub’yektlar chetdan olib kelinadigan uskunalar, shuningdek, EIZ faoliyatining butun davrida mahsulotlarni eksport qilish maqsadida mahsulot ishlab chiqarish uchun xomashyo, materiallar va butlovchi qismlar uchun bojxona to‘lovlaridan ozod qilinishini hamda «Angren» EIZ va «Jizzax» EIZ ishtirokchilari erkin iqtisodiy zonalarning butun faoliyati davrida chetdan olib kelinadigan xomashyo, materiallar va butlovchi qismlar uchun bojxona to‘lovlaridan ozod qilinishini belgilovchi normalar bekor qilinmoqda.