O‘zbekiston va Qirg‘iziston Qozog‘istonga 2 mlrd kub metrdan ortiq suv yetkazib berdi

"Kazinform" xalqaro axborot agentligining ma’lum qilishicha, tomonlar ikki mamlakat sug‘orish tizimlarini modernizatsiya qilish masalasini muhokama qilib, vegetatsiya davriga qadar birgalikda ta’mirlash ishlarini olib borishga kelishib olgan.

"10 yanvar holatiga ko‘ra, Qirg‘iziston va O‘zbekiston tomonidan yuborilgan 2 milliard kub metrdan ortiq suv Chordara suv omboriga kelib tushgan. O‘z navbatida, bu suv Shimoliy Orol va Qozog‘istonning Qizilo‘rda viloyatidagi ko‘llariga tushgan", – deb yozgan agentlik.

Qayd etilishicha, Qozog‘iston delegatsiyasi vakillari O‘zbekiston tomoniga mazkur mamlakat davlat organlari bilan kelishilgan suv taqsimoti to‘g‘risidagi bitim loyihasini topshirgan.