Röyxatdagi 11 futbolçidan 10 nafarining nomi «Arsenal» bilan boğlanadi. Ulardan qaysilari yozda futbolkasini almaştiradi?
Yevropaning top-klublari allaqaçon yozgi transferlar oynasiga tayyorlanmoqda. Klublar rahbariyati kuçaytiriş zarur bölgan pozitsiyalarni belgilab olmoqda va nomzodlar şort-listlarini tayyorlamoqda. Katta jamoalarga doimo forvardlar zarur. Va kelayotgan yozda futbol jamoatçiligi hujumçilar klubini özgartirişi bilan boğliq bir qança şov-şuvli transferlarga guvoh bölişi tayin. Quyida – yozda top-klublar navbatda turişi kutilayotgan top-11 töpurar haqida.
Aleksander Isak («Nyukasl»)
Yoşi: 25 Joriy mavsumdagi statistikasi: 33 öyinda 23+5 Amaldagi şartnomasi muddati: 2028 yil 30 iyun Transfer bahosi: 100 mln yevro (Transfermarkt)
Foto: George Wood/Getty Images
Şvetsiyalik hujumçi yozdagi asosiy lotlardan biri. 25 yoşli forvard ayni kuçga tölgan davrida: Angliya çempionati töpurarlar poygasida u 19 gol bilan uçinçi örinda — Muhammad Saloh (25) va Erling Holanddan keyin (21). Ammo «Nyukasl» bilan APL va YeÇL ğolibligi uçun kuraşiş qiyin. Mart oyida «Nyukasl» bilan ilk sovrinini (Angliya ligasi kubogi) qölga kiritgan Isak endi Yevropaning katta klublariga ötişga tayyor. Top klublar ham uni sotib olişga. Insayder Devid Ornşteyn Isak «Arsenal», «Liverpul», «Çelsi» va «Barselona» klublari da’vogar ekanini xabar qilgan. Ayniqsa, «töpçilar» unga ançadan buyon qiziqib bildirib keladi, jamoa boş murabbiyi Mikel Arteta uning muxlisi hisoblanadi. Şu bilan birga, «Nyukasl» özining eng yaxşi töpurarini qöyib yuborişni istamaydi va 150 mln funtdan kam taklifni körib çiqmoqçi emas. Agar «qarğalar» YeÇLning keyingi mavsumiga yöllanma qölga kirita olmasa, futbolçini olib qoliş amalda imkonsiz iş.
Viktor Dyokereş («Sporting»)
Yoşi: 26 Joriy mavsumdagi statistikasi: 42 öyinda 42+11 Amaldagi şartnomasi muddati:
Mavzuga oid
2028 yil 30 iyun
Transfer bahosi:
75 mln yevro
Foto: Gualter Fatia/Getty Images
Şvetsiya milliy jamoasining ikkinçi forvardi ham aqlbovar qilmas statistikaga ega. Dyokereş har öyinga örtaça bitta gol urgan. Portugaliya çempionati kuçsizroqligi hisobga olingan taqdirda ham, u Çempionlar ligasining sakkiz öyinida 6 ta gol urganini e’tiborga oliş kerak. Şunday ekan, 26 yoşli forvardning qobiliyatiga şubha yöq. Qolaversa, u ikkinçi mavsumdirki kosmik statistika namoyiş etmoqda.
The Athletic xabariga köra, forvard faqat muntazam ravişda Çempionlar ligasida iştirok etuvçi klubga ötmoqçi. Şunday ekan, ayni vaqtda uning «Sporting»dagi sobiq ustozi Ruben Amorim boşqaruvidagi «Mançester Yunayted»ni röyxatdan öçiriş mumkin. Skandinaviyalik futbolçi uçun asosiy da’vogar – «Arsenal». Nufuzli insayderlar londonliklar klubining yangi sport direktori Andrea Berta uning katta muxlisi ekani haqida xabar berişgan, «Arsenal» unga ötgan yil yozidan beri qiziqmoqda. Bild va Record.pt manbalari unga «Bavariya»dan jiddiy qiziqiş mavjudligini xabar qilişgan. Şuningdek, yozda Dyokereşni öz safiga qöşib olişni istovçi jamoalar qatorida «Çelsi» (GiveMeSport ma’lumoti), «Mançester Siti» va «Barselona» (Florian Plettenberg xabari) kabi klublar turadi. «Sporting» futbolçisi bilan 70-75 mln yevro evaziga xayrlaşişga tayyor.
Benyamin Şeşko («RB Leypsig»)
Yoşi: 21 Joriy mavsumdagi statistikasi: 37 öyinda 17+6 Amaldagi şartnomasi muddati: 2029 yil 30 iyun Transfer bahosi: 65 mln yevro
Foto: GiveMeSport
Sloveniyalik yoş hujumçi APLga 2025 yil yanvaridayoq kelişi mumkin edi. Ammo «RB Leypsig» Şeşkoni «Arsenal»ga qöyib yubormadi. Lekin nemislar jamoasida Benyaminni yaxşigina summaga sotiş uçun yozda ham yetarliça variantlar böladi. Ulkan gabaritli (böyi 193 sm) forvard ajoyib texnika va yuqori tezlikka ega. Bu esa top-klublar uçun ideal uyğunlik bölişi mumkin.
The Athletic «Arsenal»ning Şeşkoga qiziqişi saqlanib qolayotganini xabar qilgan. Şuningdek, uşbu forvardni «Mançester Yunayted» ham köz ostiga olgan. Sloveniyalikning öyin uslubi uşbu jamoa ustozi Ruben Amorimni öziga mahliyo qilgan. Şuningdek, Benyamin «Çelsi» (GiveMeSport ma’lumoti) va «Bavariya» (Bild) klublarining ham şort-listiga kirgan. Myunxendagilar hozirça Şeşko va Dyokereşdan qaysi birini tanlaş ustida öylanmoqda.
Jonatan Devid («Lill»)
Yoşi: 25 Joriy mavsumdagi statistikasi: 42 öyinda 23+10 Amaldagi şartnomasi muddati: 2025 yil 30 iyun Transfer bahosi: 45 mln yevro
Foto: Christof Koepsel/Getty Images
Devid yozda erkin agent sifatida «Lill»ni tark etadi. Kanadalik hujumçining şartnomasi 2025 yil iyuniga qadar tuzilgan, futbolçi klubning şartnomani yangilaş böyiça sönggi taklifini ham rad etdi. Transfermarkt Jonatanning transfer bahosini 45 mln yevroga baholagan, «Lill» esa bu pullarga ega çiqa olmaydi.
Hozirça top-klublar Devidga katta qiziqiş bildirayotgani yöq. 2024 yil noyabrda Mundo Deportivo forvard «Barselona»ga ötişni istaşi haqida yozgandi. Insayderlar sönggi vaqtlarda «Vest Hem» va «Arsenal» tomonidan qiziqiş mavjudligi haqida yozişgan. Şuningdek, Jonatanda erkin agentlarni öz safiga jalb etib keladigan «Inter» varianti bor. Yoz yaqinlaşişi bilan unga qiziquvçi jamoalar safi kengayib borişi tayin.
Olli Uotkins («Aston Villa»)
Yoşi: 29 Joriy mavsumdagi statistikasi: 42 öyinda 14+12 Amaldagi şartnomasi muddati:2028 yil 30 iyun Transfer bahosi: 50 mln yevro
Foto: Gareth Copley/Getty Images
Uotkins – «Aston Villa»ning muhim futbolçisi. U nafaqat «töqqizlik» sifatida, balki vaziyatlar yaratuvçi sifatida ham ajoyib. Joriy mavsum davomidagi 12 assist buni tasdiqlaydi. Ammo yoşi tufayli 2025 yil yozi Olli top-klubga transfer bölişi uçun oxirgi imkoniyat bölişi mumkin. Yanvarda «Arsenal» uni olişga jiddiy harakat qildi, ammo uning transfer narxi londonliklarni ortga qaytardi. Boşqa bir hujumçisi Duranni Saudiyaga katta pulga sotgan «Aston Villa» şundan keyin ingliz hujumçisi uçun 80 mln funt talab qilgandi. Yozda klublar yana savdolaşib körişi mumkin.
Liam Delap («Ipsviç Taun»)
Yoşi: 22 Joriy mavsumdagi statistikasi:31 öyinda 10+2 Amaldagi şartnomasi muddati: 2029 yil 30 iyun Transfer narxi: 35 mln yevro
Foto: Michael Regan/Getty Images
Uşbu röyxatda nomi «Arsenal» bilan boğlanmayotgan yagona futbolçi bölib turgan Liam Delap – «Mançester Siti» akademiyasi tarbiyalanuvçisi hisoblanadi. U klub tizimida 2019 yildan boşlab öynagan. 2024 yil yozida Liam APLga qaytgan «Ipsviç» klubi safiga ötgandi. Va birinçi mavsumdayoq autsayder jamoa safida yaqqol ajralib turibdi. Delap 26 turda 10 gol urişga erişdi va «Ipsviç» hamon elitada qoliş uçun kuraşişini ta’minlamoqda.
Ammo yozda Liam Mançesterga qaytişi mumkin. Faqat «Siti» emas, «MYu»ga. Uşbu klub Delapga qiziqayotgani haqida The Athletic xabar bergan. 21 yoşli forvardga «Çelsi» va «Tottenhem»dan ham qiziqiş mavjud (Caught Offside ma’lumoti). Şunday ekan, «Ipsviç» joriy mavsum yakunlariga köra, çempionşipga tuşib ketsa ham, Liam katta ehtimol bilan keyingi mavsumda ham APLda öynaydi.
Duşan Vlahoviç («Yuventus»)
Yoşi: 25 Joriy mavsumdagi statistikasi: 35 öyinda 14+3 Amaldagi şartnomasi muddati: 2026 yil 30 iyun Transfer narxi: 45 mln yevro
Foto: Valerio Pennicino/Getty Images
«Yuventus» fransiyalik forvard Randal Kolo Muanini ijaraga olgaç, Vlahoviç zaxirada qolib ketmoqda. OAV bir yilça oldin uşbu serbiyalik tez orada boşqa çempionatga ötişi haqida xabar tarqatişni boşlagandi. Masalan, yanvarda unga «Arsenal»dan qiziqiş mavjudligi haqida xabarlar berilgandi. La Gazzetta dello Sport yaqinda Duşanning «Yuve» boş murabbiyi Tiyago Motta bilan munosabatlari yaxşi emasligi haqida yozgandi. Ammo şundan köp ötmay uşbu mutaxassis iste’foga çiqarildi va futbolçi endi fikrini özgartirişi ham mumkin.
Insayder Nikolo Skira «Yuventus» Duşan uçun 25-30 mln yevro atrofida mablağ söraşini xabar qilgan. Şartnomasi yakuniga bir yil qolgan futbolçi uçun örtaça narx. Caught Offside ma’lumotiga köra, futbolçiga hamon «Arsenal»dan qiziqiş mavjud. Şuningdek, «Mançester Yunayted» ham unga bee’tibor emas.
Moyze Kin («Fiorentina»)
Yoşi: 25 Joriy mavsumdagi statistikasi: 35 öyinda 21+3 Amaldagi şartnomasi muddati: 2029 yil 30 iyun Transfer narxi: 40 mln yevro
Foto: Alessandro Sabattini/Getty Images
Moyze Kin faoliyatini «Fiorentina»da qaytadan tikladi. Dastlab «Yuventus»da porlagan va keyin «Everton»ga yöl olgan hujumçining işlari APLda yurişmadi, forvard sobiq jamoasida ham oldingidek öynab keta olmadi. Ötgan yil yozida Florensiyaga ötgaç, A seriyaning joriy mavsumida 27 öyinda 16 gol urişga erişdi. Endi 25 yoşli futbolçiga «Arsenal» qiziqmoqda. Londonliklar yozda uşbu markaziy forvard uçun ham kuraşda böladi.
Caught Offside xabariga köra, yozda futbolçining şartnomasidagi 52 mln yevrolik badal puli böyiça band işga tuşadi, şunça miqdordagi taklif kelganda klub uni qöyib yuborişga majbur böladi. «Arsenal» şunday summani tölaşga qaror qiladimi? Şuningdek, futbolçi uçun Angliyaning «Tottenhem» va «Aston Villa» klublari ham raqobatlaşadi.
Viktor Osimhen («Napoli», «Galatasaroy»da ijara asosida öynamoqda)
Yoşi:26 Joriy mavsumdagi statistikasi: 31 öyinda 26+5 Amaldagi şartnomasi muddati: 2026 yil 30 iyun Transfer narxi:70 mln yevro
Foto: Ahmad Mora/Getty Images
Viktor Osimhen joriy mavsumni ijara asosida «Galatasaroy»da ötkazmoqda. Ammo nigeriyalik hujumçining transfer huquqi «Napoli»ga tegişli hisoblanadi va mavsum yakunida u Italiyaga qaytadi. U klubni 2024 yil yozida tark etişga harakat qilgandi, ammo neapolitanliklar şartnoma şartlari böyiça «Çelsi» bilan kelişa olmadi. Yakunda «Napoli» va Osimhen örtasidagi munosabatlar buzildi. Şu tufayli, Viktor baribir jamoada qola olmaydi.
Bir neça yil oldin, u «Napoli»da kuçli mavsum ötkazayotganida «Çelsi»dan taşqari «Arsenal» ham uşbu futbolçini sotib olişga harakat qilgandi, jarohatlar tufayli hujum çiziğida muammolar yuzaga kelgani tufayli klub rahbariyati hozir ham uning nomzodini körib çiqişi mumkin. Amalda esa Osimhen uçun ikki asosiy da’vogar bor – «Mançester Yunayted» va «Yuventus». Ammo italyanlar endi asosiy e’tiborini yaxşi öynab ketgan Randal Kolo Muanining şartnomasini sotib olişga qaratmoqda. Şunday ekan, «MYu» nigeriyalik hujumçi uçun birinçi raqamli variant böladi. Business Day «Napoli» va mankunianliklar örtasida kelişuv 95 foizga hal bölgani haqida yozgan. Ingliz klubi Osimhen uçun 70 mln yevro tölamoqçi. Calciomercato esa boşqaçaroq ma’lumot keltirgan: «MYu» Viktor uçun 40 mln yevro tölab, «Napoli»ga Rasmus Hoylundni beradi. Hozirça yakuniy kelişuv haqida gapirişga erta, yoz boşlanganida köp narsa oydinlaşadi.
Mateo Retegi («Atalanta»)
Yoşi: 25 Joriy mavsumdagi statistikasi: 41 öyinda 25+5 Amaldagi şartnomasi muddati: 2028 yil 30 iyun Transfer narxi: 45 mln yevro
Foto: Getty Images
Argentinada tuğilgan va Italiya fuqaroligini olib, uşbu mamlakat milliy jamoasida hujumçilar tanqisligi muammosini yopayotgan hujumçi klublar miqyosida yangi darajaga çiqiş vaqti keldi. Gasperini boşqaruvidagi «Atalanta»ning yulduzlik onlari sönib bormoqda, Retegiga esa kuçliroq çempionatdan qiziqiş mavjud. Caught Offside ma’lumotiga köra, «Arsenal» va «Mançester Yunayted» uşbu futbolçini kuzatib bormoqda. Bergamoliklar ayni vaqtda 22 gol (plyus 4 ta golli pas) bilan A seriyaning eng yaxşi töpurari bölib turgan hujumçisi uçun 60 mln yevro söraydi.
Mika Biyeret («Monako»)
Yoşi: 22 Joriy mavsumdagi statistikasi: 25 öyinda 14+5 («Şturm» safida); 13 öyinda 12+3 («Monako»da) Amaldagi şartnomasi muddati: 2029 yil 30 iyun Transfer narxi: 25 mln yevro
Foto: Michel Euler/AP/TASS
Uşbu futbolçi öz vaqtida «Arsenal»ning turli yoş toifasidagi jamoalarida töp surgan, 2024 yil yozida Avstriyaning «Şturm» klubiga 7 mln yevroga sotib yuborilgandi. Ikki yil oldin ham Mika Biyeret faqat Avstriyadagilar va skautlar uçun taniş edi. Ammo ötgan qisqa vaqt içida 22 yoşli forvard çinakamiga oçildi. Yanvarda «Monako» uni 13 mln yevroga xarid qildi. Daniyalik futbolçi kuçliroq çempionatga ötganidan keyin ham ajoyib statistika körsatişda davomdi: 11 öyin, 12 gol va uç assist. Biyeret özini Keyn va Holandga qiyoslaydi. Hozirça unga jiddiy qiziqiş bildirayotgan klublar haqida ma’lumot yöq. Ammo agar forvard şu tempda gol urişda davom etadigan bölsa, uning xizmatidan foydalanişni istovçi klublar navbati paydo bölişi mumkin. Balki «Arsenal» xatosini tuzatişni istab qolar?
