Amazon orbitaga Starlink uchun raqobatchi bo‘lgan sun’iy yo‘ldoshlarni uchirdi

Amerikaning Amazon korporatsiyasi Kuiper loyihasi doirasida vazifasi sun’iy yo‘ldosh aloqa tarmog‘ini yaratishdan iborat bo‘lgan aloqa sun’iy yo‘ldoshlarining birinchi partiyasini orbitaga muvaffaqiyatli olib chiqdi. 28 aprel, dushanba kuni mahalliy vaqt bilan soat 19:00da AQShning Kanaveral burunidan bortida 27 sun’iy yo‘ldoshi bo‘lgan Atlas V raketasi uchirildi, deb xabar berdi raketa ishlab chiqaruvchi United Launch Alliance.

Atlas V'ning uchirilishi dastlab aprel oyining boshiga rejalashtirilgan edi, biroq noqulay ob-havo tufayli qoldirildi.

Joylashtirilgandan so‘ng, sun’iy yo‘ldoshlar Yer past orbitasida taxminan 400 milya (630 km) balandlikda aylana boshlaydi. Umuman olganda, loyiha doirasida Amazon yaqin yillarda orbitaga 3200 dan ortiq sun’iy yo‘ldoshlarni chiqarishni rejalashtirmoqda, ular 12 yerusti stansiyasi bilan birgalikda ishlaydi.

Tizim 400 Mbit/s minimal tezlikda keng polosali internetga ulanishni ta’minlashi kutilmoqda. Qurilmalarni orbitaga chiqarish uchun Amazon nafaqat milliarder Jyeff Bezosga tegishli Blue Origin raketalaridan foydalanadi, balki Yevropada yangi raketa uchirish qurilmalarini ham sotib oldi.

«Koyper» deb talaffuz qilinadigan Kuiper nomi quyosh tizimining chekkasida joylashgan Koyper kamariga ishora qiladi. Kichik samoviy jismlarni o‘z ichiga olgan bu joy butun Quyosh tizimi shakllangan protoplanetar tumanlikning qoldig‘i hisoblanadi.