Tasvirlar töplami 2026-yil 29-aprelda - sunʼiy yöldoş uçirilganiga bir yil tölişi munosabati bilan taqdim etilgan.
Biomass, avvalo, örmonlardagi uglerod zaxiralarini baholaş uçun yaratilgan. Unga orbitaga çiqarilgan ilk P-diapazonda işlovçi sintezlangan aperturali radar örnatilgan. Uning signali qalin şox-şabba orasidan ötib, daraxt tanasi va yirik şoxlari töğrisida maʼlumot oladi. Örmon uglerodining asosiy qismi aynan yoğoçda saqlanadi.
Töplamdagi tasvirlardan biri Angola va Kongo Demokratik Respublikasi çegarasidagi hududlarni körsatadi. 2025-yil 20-iyunda olingan tasvirda Kongo, Kasai va Kvango havzalaridagi daryo irmoqlari böylab çözilgan tor örmon yölaklari ajralib turadi. Ular orasida savanna hududlari joylaşgan.
21-iyunda olingan boşqa tasvirda Yamal yarimorolining bir qismi aks etgan. Tundra fonida köplab yumaloq termokarst köllari körinadi.
Indoneziyaning Kalimantan hududidagi Berau daryosi deltasida esa radar mangr örmonlari va botqoq tropik ösimliklar orasidagi tarmoqlangan özanlarni qayd etgan. Bu tasvir 22-iyunda olingan.
Antarktida tasviri 2025-yil 10-noyabrga tegişli. U Palmer Yerining ğarbiy qismida dengiz tomon harakatlanayotgan Greys muzlik oqimini qamrab oladi. Patga öxşaş ingiçka çiziqlar muzdagi yoriqlarni körsatadi. Ular muzlik notekis asos ustidan harakatlanganda va sohil tomon tezlaşganda yuzaga keladigan içki kuçlanişlar tufayli paydo böladi.
Tasvirlardagi ranglar şartli. Maʼlumotlarni qayta işlaşda qaytgan radar signalining turli xususiyatlariga alohida ranglar beriladi. Bu usul yer yuzasi va ösimliklar tuzilişini farqlaşga yordam beradi. Şuning uçun yaşil, kök yoki puşti hududlar joyning haqiqiy rangini anglatmaydi.
