O‘zbekiston JSTga qo‘shilish jarayonida Shveytsariya bilan muzokaralarni yakunladi

Bu haqda JSTga a’zo bo‘lish bo‘yicha prezidentning maxsus vakili Azizbek Urunov ma’lum qildi. Uning ta’kidlashicha, Shveytsariya O‘zbekiston bilan JSTga kirish bo‘yicha muzokaralarni yakunlagan 25-davlatga aylandi.

— O‘zbekistonning JSTga a’zo bo‘lish jarayonida yana bir davlat bilan yakuniy kelishuvga erishildi. Hozirda faqat bir necha davlat bilan muzokaralar qolmoqda, — deb yozdi Urunov.

Ma’lumot uchun, 2025 yil may oyi holatiga ko‘ra, O‘zbekiston 33 ta JSTga a’zo davlat bilan bozorga kirish muzokaralarini boshlagan va shungacha 24 ta davlat bilan muzokaralarni muvaffaqiyatli yakunlagan edi.

Shveytsariya bilan 21 iyul kuni imzolangan bayonnoma natijasida bu raqam 25 taga yetdi.

Hozirgi paytda faqatgina bir necha davlat bilan fakultativ muzokaralarni yakunlash qolgan. Ilgari 9 davlat bilan muzokaralar to‘liq yakunlanishi kutilgan bo‘lib, ularning ba’zilari hali to‘liq tugatilmagan.