O‘zbekistonda xizmatlar narxlari sezilarli qimmatlayapti

Markaziy bank 2025 yilning avgust oyidagi inflatsiya ko‘rsatkichlarini e’lon qildi.

Umumiy yillik inflatsiya 2022 yilda 12,3 foiz bo‘lgan; 2023 yilda pasayib, 8,8 foiz, 2024 yilda biroz oshib, 9,8 foiz, 2025 yil avgust holatida yana 8,8 foizga tushgan.

Narxi 10 foizdan yuqori oshgan tovar va xizmatlarning ulushi kamaygan, bunda:

• 2022 yilda - 52 foiz;
• 2023 yilda - 25 foiz;
• 2024 yilda - 22 foiz;
• 2025 yilda - 18 foiz.

Bu umumiy inflatsiya pasayish trendiga egaligi va “yuqori inflatsiyali” elementlar soni kamayganini ko‘rsatadi. Natijada avvalgi yillardagi narx shoklari susaygan.

Oziq-ovqat mahsulotlari (eng katta o‘zgarishlar)

Infografikaga ko‘ra, ba’zi oziq-ovqatlar narxi sezilarli darajada pasaygan, boshqalari esa keskin oshgan:

Avgustda qovoq (-52,8 foiz), uzum (39,5 foiz), pomidor (34,7 foiz), guruch (-17,8 foiz), olma (-16,6 foiz) va bodring (-15,3 foiz) narxlari pasaydi.

Hisobot davrida oziq-ovqatlar tarkibida sabzi (69,1 foiz) karam (46,5 foiz) va piyoz (40,1 foiz) narxi eng tez o‘sgan mahsulot bo‘ldi. Bundan tashqari, quyidagi mahsulotlar narxlari ham sezilarli qimmatlagan:

• Paxta moyi (yoki o‘simlik yog‘i): +39,4 foiz

• Kartoshka: +32,0 foiz

• Qo‘y go‘shti: +28,5 foiz

Nooziq-ovqat tovarlar (maishiy va sanoat tovarlari)

Avgustda nooziq-ovqat mahsulotlari narxi biroz pasaygan. Xususan, propan -6,1 foizga, qog‘oz A4 -4,6 foizga, oshxona texnikasi -3,3 foizga arzonlagan.

Oltin narxlari global bozorda rekord darajada qimmatlashi zargarlik buyumlarida ham aks etgan – nikoh uzugi 33,2 foizga qimmatladi.

Nooziq-ovqat mahsulotlari tarkibida metan narxi 31 foizga, gazeta, 15,3 foizga, benzin 11,1 foizga, atir sovun 10,1 foizga, vitaminlar 9,9 foizga oshdi.

Xizmatlar

Avgustda pul o‘tkazmalari uchun haq to‘lash narxlari 0,3 foizga, nodavlat OTMda o‘qish 1,3 foizga, simli internet 1,8 foizga arzonladi.

Avgustda narxi eng tez o‘sgan xizmat haydovchilik kurslari bo‘ldi – hisobot davrida bu xizmat narxi 71,3 foizga oshdi. Shuningdek, ichki yo‘lovchi havo transporti xizmatlari 59,5 foizga, tarmoq gaz 39,2 foizga, sovuq suv 34,1 foizga, chiqindi tashish 23,9 foizga, davlat bog‘chalari xizmatlari 21 foizga qimmatladi.

Yuqori inflatsiyali elementlar

Yillik narx o‘sishi 10 foizdan past bo‘lgan mahsulotlar oziq-ovqat mahsulotlarida 83 foiz, nooziq-ovqat mahsulotlarida 96 foiz va xizmatlarda 42 foizni tashkil qiladi. Raqamlar xizmatlar guruhida yuqori inflatsiyali elementlar eng yuqori ko‘rsatkichga ega ekanini ko‘rsatmoqda – 48 foiz.