Suhbat davomida O‘zbekiston va Buyuk Britaniya o‘rtasidagi mehnat migratsiyasi sohasidagi munosabatlarni yangi bosqichga olib chiqish istiqbollari bo‘yicha fikr almashildi.
Migratsiya agentligi va GLAA o‘rtasida mehnat migratsiyasi sohasida hamkorlik qilish to‘g‘risidagi memorandum imzolandi.
Hujjat Buyuk Britaniyaga ishchi kuchi yetkazib berish jarayonini tartibga solish, jalb etiladigan mehnat migrantlarining sonini ko‘paytirish hamda ushbu mamlakat hududida ishlayotgan fuqarolarimizning huquq va manfaatlarini yanada samarali himoya qilish imkonini yaratadi.
GLAA – Buyuk Britaniyaning davlat nazorat organi hisoblanadi. Tashkilot qishloq xo‘jaligi va boshqa sohalarda faoliyat yurituvchi xususiy bandlik va rekruting agentliklariga litsenziya berish, ularning faoliyatini nazorat qilish, mehnat huquqlari buzilishining oldini olish va mehnat muhitini yaxshilash bilan shug‘ullanadi.
