O‘zbekiston va Koreya provinsiyasi ishchi vizalari bo‘yicha kelishuvga erishdi

Kelishuvga ko‘ra, yoshlar provinsiyaning yirik sanoat tarmoqlarida hududiy viza asosida yuqori malakaga ega mutaxassis sifatida o‘z bilim va tajribalarini yanada yuksaltiradilar.

"Migratsiya agentligi bilan imzolangan kelishuv — xorijiy ishchi kuchini qabul qilish yo‘nalishida provinsiyamiz tarixidagi ilk hujjatdir. Biz xorijlik ishchilarni asosan til bilish qobiliyatiga alohida e’tibor qaratamiz. O‘zbek yoshlarining tayyorgarligi va bilim olish tizimini esa juda yuqori baholaymiz", - deya ta’kidladi Kyonsan-namdo provinsiyasi gubernatori Pak Van-su.

Shuningdek, uchrashuvda E-8 mavsumiy ishchi vizasiga alohida to‘xtalib, kelgusida bu yo‘nalishda ham ijobiy loyihalar boshlashga kelishildi.

E-7 Specially Designated Activities Visa – muayyan soha va kasblar bo‘yicha mutaxassislik darajasiga ega xorijliklarga beriladigan kasbiy mehnat vizasi. E-8 Seasonal Worker Visa – qishloq xo‘jaligi va baliqchilik sohalarida xorijliklarni mavsumiy ishlarga jalb qilish uchun beriladigan vaqtinchalik viza.