Ushbu voqea O‘zbekiston avtomobil sanoatining eksport yo‘nalishini rivojlantirish va Kia brendining Markaziy Osiyodagi mavqeini mustahkamlashda muhim bosqich bo‘ldi. ADM Global kompaniyalar guruhi tarkibiga kiruvchi ADM Jizzakh zavodida ishlab chiqarilayotgan avtomobillar mahalliylashtirish va yig‘ishning yuqori darajasini tasdiqlagan holda xalqaro sifat va xavfsizlik standartlariga to‘liq javob beradi.
Yaqin vaqt ichida Dushanbeda Kia kompaniyasining flagman shourumi ochilib, u Tojikistonda brend avtomobillarini sotish va xizmat ko‘rsatishning asosiy markaziga aylanadi. Bu yerda Kiaʼning barcha so‘nggi modellari, shuningdek, texnik xizmat ko‘rsatishdan tortib, asl ehtiyot qismlar dasturigacha bo‘lgan barcha servis xizmatlari taqdim etiladi.
Tojikistonga eksportning boshlanishi yetkazib berish geografiyasini kengaytirish va eksport salohiyatini mustahkamlash bo‘yicha ADM Global strategiyasining mantiqiy davomi bo‘ldi. 2025 yil bahorida Qirg‘izistonga eksport muvaffaqiyatli yo‘lga qo‘yilgandan so‘ng, Tojikiston bozoriga kirib borish brendning ishonchli rivojlanayotgani va O‘zbekiston avtomobilsozlik sanoatining mintaqaviy markaz sifatidagi o‘rni ortib borayotganini ko‘rsatmoqda.
ADM Jizzakh har bir yangi eksport yo‘nalishi bilan O‘zbekistonning xalqaro standartlarga javob beradigan zamonaviy avtomobillarning ishonchli ishlab chiqaruvchisi sifatidagi obro‘sini mustahkamlamoqda.
ADM Global
Instagram | Facebook | YouTube | X | LinkedIn
ADM Jizzakh
Telegram | Instagram | Facebook | YouTube
Reklama huquqi asosida
