Kuz–qish mavsumida poytaxtda havo sifati pasayishi ko‘pincha Toshkent shahri va unga yaqin hududlardagi issiqxona xo‘jaliklari faoliyati bilan bog‘liq ekani qayd etilmoqda. Shu munosabat bilan ishchi guruh issiqxonalarda ekologik va sanitariya me’yorlariga rioya etilishini o‘rganmoqda, qoidabuzarlik aniqlansa ma’muriy va boshqa chora-tadbirlar ko‘riladi.
Rasmiy ma’lumotlarga ko‘ra, o‘tgan yili ham Toshkent shahar hokimligi tashabbusi bilan o‘tkazilgan shunga o‘xshash reydlar natijasida poytaxt hududidagi bir qator issiqxonalarning noqonuniy faoliyati to‘xtatilgan edi.
Reydlar:
- atmosfera havosini ifloslantiruvchi manbalarni aniqlash;
- ekologik va sanitariya me’yorlariga amal qilinishiga erishish;
- qoidabuzarlarga nisbatan choralar ko‘rish;
- holatlarning takrorlanishiga yo‘l qo‘ymaslik hamda poytaxt va viloyatda ekologik vaziyatni yaxshilashga qaratilgan.
