Vilnyus oktyabr oyi oxirida yopib qöyilgan Belarus bilan çegara yaqin vaqt içida qayta oçilişi mumkin, degan ehtimolga yöl qöymoqda. Bu haqda 18 noyabr kuni DW'ga bergan intervyusida Litva taşqi işlar vaziri Kyastutis Budris ma’lum qildi. Uning sözlariga köra, Belarus tomonidan kontrabanda uçun qöllanayotgan meteozondlar (havo şarlari) soni qisqarib bormoqda va hozirda Litva mamlakat havo hududidagi vaziyatni baholamoqda.
«Ha, biz bu masalani muhokama qilyapmiz va bu qattiq çorani – çegarani töliq yopiş va ikki tomonlama harakatni butunlay töxtatişni – qayta körib çiqişimiz mumkin», – dedi Budris. Şu bilan birga, u agar şunday bölsa ham, bu Minskka nisbatan boşqa çoralar avtomatik tarzda bekor qilinişini anglatmasligini ta’kidladi.
Litva TIV rahbarining ta’kidlaşiça, agar yana şunday vaziyat takrorlanib, havo şarlari Litva fuqarolik aviatsiyasi xavfsizligiga tahdid soladigan bölsa, Vilnyus «özida mavjud bölgan milliy instrumentdan» yana foydalanadi. Şu bilan birga, Kyastutis Budris Belarusga nisbatan eng samarali çora sifatida Yevroittifoq darajasidagi sanksiyalarni tilga oldi. Uning fikriça, bu sanksiyalar YeIga qarşi gibrid hujumlar munosabati bilan joriy etilişi kerak.
Buni amalga oşiriş uçun, uning aytişiça, bir neçta qadamlar qöyiş lozim. Birinçidan, sanksiyalar qöllaş mezonlarini qayta belgilaş zarur. Ya’ni, Belarus tomonidan inson huquqlarining buzilişi va Rossiyaga Ukrainaga qarşi hujumda körsatilayotgan yordamdan taşqari, gibrid hujumlar uçun ham jazo çoralari joriy etilişi kerak. Ikkinçidan, sanksiyalar qöllanişi lozim bölgan iqtisodiy tarmoqlarni qayta körib çiqiş zarur: «Eng avvalo, bu öğitlar, masalan, azotli öğitlar, şuningdek fuqarolik aviatsiyasi, çunki bu tarmoq YeI sanksiyalari ostida emas, garçi ular YeI fuqarolik aviatsiyasi faoliyatiga aralaşsa ham», – dedi Budris.
U, şuningdek, Minskka nisbatan boşqa sohalarda ham sanksiyalar joriy etiş ehtimolini istisno etmadi va, masalan, buxgalteriya hisobi, yuridik xizmatlar, audit kabi biznes xizmatlarini tilga oldi. «Biz bunday faoliyatga kelajakda tösqinlik qiliş uçun qabul qilinişi lozim bölgan çoralarning keng qamrovli röyxatini tuzdik. Biz şarlar muammosini hal qilamiz – ammo keyin yana boşqa narsa paydo böladi, ular çegaraning u tomonida bölayotgan voqealarni yangi vositalarga aylantiriş va qurolga köçirişning yangi yöllarini izlaydi», – dedi Litva taşqi işlar vaziri.
Litva TIV oktyabr oyi oxirida Belarus bilan çegara keyingi alohida xabargaça yopilganini rasman e’lon qilgan va Minskka «havo hududining doimiy ravişda buzilişi» munosabati bilan norozilik bildirgan edi.
Litva Davlat çegarasini qöriqlaş xizmatining ma’lumotlariga köra, 2025 yil boşidan beri mamlakat havo hududiga Belarus tomonidan yuborilgan, kontrabandaçilar tamaki mahsulotlarini çegaradan olib ötiş uçun foydalanayotgan havo şarlari, ya’ni yuzlab meteozondlar qayd etilgan. Kuzda meteozondlar Vilnyus va Kaunas xalqaro aeroportlariga bevosita yaqinlaşgan, şu sababli bir neça bor parvozlarga çeklovlar joriy etilgan.
Şu orada, Polşa 17 noyabr kuni bir neça yillar davomida yopiq bölgan Belarus bilan çegaradagi ikki nazorat-ötkaziş punktlarini yana oçdi.
