Bektemirda ko‘prikdan sakramoqchi bo‘lgan fuqaro qutqarib qolindi

Joriy yil 3 yanvar kuni kechqurun soat 19:18 larda Bektemir tumanidagi Qo‘yliq bozori yaqinida joylashgan ko‘prikda fuqaro o‘z joniga qasd qilishga uringani aniqlangan.

Ma’lum qilinishicha, voqea joyiga tezkor yetib borgan Bektemir tumani IIOFMB huzuridagi qo‘riqlash xizmati xodimlari tezkor harakat qilib, 1987 yilda tug‘ilgan fuqaroni qutqarib qolgan.

Hozirda holat yuzasidan tuman IIOFMB tomonidan surishtiruv ishlari olib borilmoqda.

Ma’lumot uchun: agar siz yoki yaqinlaringiz psixologik og‘ir holatda bo‘lsa, zudlik bilan yordam so‘rash muhim. Toshkent shahar IIBB navbatchilik qismiga 102, ishonch telefoniga 1102 orqali murojaat qilish mumkin. 

Shuningdek, IIV ishonch telefoni — 11-02, tez yordam — 1003.