Ma’lum qilinishicha, tezkor tadbir davomida “X.D.D.” MChJga qarashli dorixona farmatsevti G.X. fuqaro O.A.ga “Omeprazol” dori vositasini shifokor retseptisiz sotgan vaqtida ashyoviy dalillar bilan ushlangan.
Shuningdek, tergovga qadar tekshiruv jarayonida dorixona mudirining moddiy javobgarligida bo‘lgan, qat’iy hisobda turadigan va bemorlarga retsept asosida berish uchun qabul qilib olingan 10 turdagi jami 2 846 dona tarkibida kuchli ta’sir qiluvchi moddalar mavjud dori vositalarining kamomadi aniqlangan.
Mazkur holat yuzasidan Jinoyat kodeksining 271-moddasi (giyohvandlik vositalari, ularning analoglari yoki psixotrop moddalarni qonunga xilof ravishda egallash) bilan jinoyat ishi qo‘zg‘atilib, hozirda tergov harakatlari olib borilmoqda.
