2025 yilda havo transportida bir kunda o‘rtacha 26 ming yo‘lovchi tashilgan

Milliy statistika qo‘mitasining dastlabki ma’lumotlariga ko‘ra, 2025 yil davomida O‘zbekistonda havo transporti orqali qariyb 9,7 mln nafar yo‘lovchi tashilgan. Mazkur raqam bir yil mobaynida aviaqatnovlarga bo‘lgan talab ortib borayotganini ko‘rsatadi.

Foto: Milliy statistika qo‘mitasi

Qayd etilishicha, yo‘lovchi tashish hajmi o‘tgan yilning mos davri bilan solishtirilganda deyarli 3,7 mln nafarga ko‘paygan.

Bu ko‘rsatkich havo transportidagi o‘sish sur’ati sezilarli ekanini anglatadi.

Shu bilan birga, 2025 yilda havo transportida bir kunda o‘rtacha 26 ming nafardan ortiq yo‘lovchi tashilgan.

Mutaxassislar fikricha, bunda ichki va xalqaro yo‘nalishlar geografiyasining kengayishi, reyslar soni va xizmatlar sifati oshishi kabi omillar muhim ahamiyatga ega bo‘lishi mumkin.