«O‘zbekistonning kelajagi nihoyatda porloq. Mamlakatda amalga oshirilayotgan iqtisodiy islohotlar hamda xorijiy investorlarning faol ishtiroki ushbu jarayonni yanada kuchaytirmoqda», — dedi Sandro Rtveladze.
Panel muhokamasi davomida CEO OTP Group Markaziy va Sharqiy Yevropadagi yirik bank guruhlaridan biri ekani va O‘zbekiston bozorida faoliyat yuritayotgan birinchi Yevropa banki ekanini ta’kidladi. Shuningdek, u kompaniyaning mamlakatdagi faoliyati kengayib borayotganini, bunga amaliy misol sifatida qishloq xo‘jaligini rivojlantirishga qaratilgan «Yashil ferma» loyihasini keltirdi.
«O‘zbekiston iqtisodiyotining jadal rivojlanishi va davom etayotgan islohotlar mamlakatda investitsiyalarni yanada kengaytirish uchun katta imkoniyatlar yaratmoqda», — dedi Ipoteka bank OTP Group CEOsi.
Avvalroq Ipoteka bank OTP Group 2025 yil yakunlari bo‘yicha moliyaviy hisobotini e’lon qilgan edi. Natijalar bank barqaror o‘sishga erishganini va biznes transformatsiyasi samarali amalga oshirilganini ko‘rsatdi. Hisobotga ko‘ra, bankning sof foydasi 1,763 trillion so‘m, kapital rentabelligi (ROE) esa 22,4% ni tashkil etdi.
Reklama huquqqi asossida
