Жанубий Африка миллий жамоаси ва "Мамелоди Сандаунз" клуби яримҳимоячиси Жейден Адамс 25 ёшида вафот этди, деб хабар берди The Guardian.
Футболчи ўлимининг сабаби маълум қилинмаган.
ЖАР спорт вазири Гейтон Маккензи ушбу хабар бўйича баёнот берди.
"Бугун Жанубий Африка футболи ўзининг энг ёрқин ёш истеъдодларидан бирини йўқотди. Мамлакатимиз унинг оиласи, жамоадошлари ва ёш иқтидорнинг академиядан ЖАР миллий жамоасига қадар ўсиб боришини кузатган миллионлаб мухлислар билан биргаликда қайғуда", - деди Маккензи.
Адамс профессионал фаолиятини "Стелленбос" клубида бошлаган бўлиб, 2025 йилда мамлакатнинг энг совриндор "Мамелоди Сандаунз" клубига ўтганди.
У миллий жамоа таркибида тўққизта ўйин ўтказган ва битта голга муаллифлик қилган. Адамс 2026 йилги жаҳон чемпионати гуруҳ босқичининг учта ўйинида майдонга тушганди.
