Milliy statistika qo‘mitasi ma’lumotlariga ko‘ra, 2026 yil 1 iyul holatiga O‘zbekistonning doimiy aholisi 38 million 519,5 ming kishini tashkil etgan.
Aholining 19 million 400,6 ming nafari erkaklar, 19 million 118,9 ming nafari ayollar hissasiga to‘g‘ri keladi. Shu tariqa, mamlakatda erkaklar soni ayollardan qariyb 282 ming nafarga ko‘p.
Yashash joyi bo‘yicha 19 million 608,9 ming kishi shaharlarda, 18 million 910,6 ming kishi qishloq joylarda istiqomat qiladi.
2026 yilning yanvar–iyun oylarida respublikada 92,3 mingta nikoh va 24,8 mingta nikohdan ajralish holati qayd etilgan.
Shuningdek, tashqi migratsiya doirasida O‘zbekistonga 1 649 kishi ko‘chib kelgan, 5 422 kishi esa mamlakatdan ko‘chib ketgan.
Qo‘mita izohiga ko‘ra, 2026 yil 1 iyul holatidagi demografik ko‘rsatkichlar joriy hisob-kitoblar, xususan, Adliya vazirligi va Ichki ishlar vazirligi ma’lumotlari integratsiyasi asosida shakllantirilgan. Aholini ro‘yxatga olishning yakuniy natijalari e’lon qilingach, doimiy aholi soni ushbu natijalar asosida belgilangan tartibda qayta e’lon qilinadi.
