Uning ta’kidlashicha, qayd etilgan holatlarning barchasini to‘liq noqonuniy qurilish deb baholab bo‘lmaydi. Ayrim ob’yektlarda quruvchilar ruxsat etilgan qavatlar sonidan ortiqcha qavat qurgan yoki tasdiqlangan loyihadan chetga chiqqan.
“Har bitta tashkilot o‘zining vazifasidan kelib chiqib agar vaqtida reaksiya qiladigan bo‘lsa, bu jarayondagi o‘sha noqonuniy qurilmalar soni ham kamayadi. Hozir Toshkent shahrida oxirgi marta inventarizatsiya qilib Vazirlar Mahkamasiga ham ma’lumot berilgan, 70 dan ortiq ob’yektlarda 173 tadan ko‘p qavatli uylar noqonuniy qurilgani aniqlangan. Lekin bu noqonuniy qurilganiga izoh berib ketaman, 100 foiz noqonuniy emas. Misol uchun, 9 qavatga ruxsat olgan, hamma loyiha hujjatlari bor, lekin 10 qavat qilib qo‘yganlari bor. Yoki ikkita 9 qavatga ruxsat olgan qo‘shimchasiga besh qavat yana o‘zining hududida qo‘shimcha qurgan holatlar bor.
Bu holatlar bo‘yicha hokimiyat tegishli idoralar bilan birgalikda inventarizatsiya qilib Vazirlar Mahkamasiga ham taklif kiritilgan. Bu taklifda ob’yektlarni bu jarayonga kelgunga qadar o‘sha ruxsat bergan tashkilotlarga yoki nazorat organlariga ko‘riladigan choralar, o‘sha ob’yekt egalariga nisbatan ko‘rilgan choralar ham bor. Buning yechimi yuzasidan takliflar bilan kiritilgan. Endi hozir o‘sha jarayondagi ob’yektlar hujjatlarni rasmiylashtirishini kutyapmiz. Buning ichida Newport ham bor. Bu yerda qurilgan umumiy 9 ta domdan 3 tasiga ruxsat bor, 6 ta blok noqonuniy qurilgan. Bu xatlov jarayoni aniqlanib bu ham ro‘yxatga qo‘shib berilgan”, - dedi Jasur Karimov.
